حركوا الشاشة يسار لمشاهد الفيديو الثاني ⬅️
فطير مشلتت
المكونات:
3 كوب طحين
رشة ملح
رشة سكر
ماء فاتر للعجن تقريباً كوب حسب الطحين اللي عندك
زبدة أو سمنة لدهن العجين بعد فردها
الطريقة:
نخلط المواد الجافة مع بعض ونضع الماء ونعجن جيداً حتى تتماسك، ندهنها زيت ونغطيها بكيس نايلون لمدة نص ساعة ترتاح
على طاولة كبيرة نفرد العجينة كاملة حتى تصل لأخف سمك ممكن، بالفرادة أفضل شيء
بعد ما نفردها بزبدة أو سمنة ندهن كل العجينة جيداً ثم نبدأ في لفها وتطبيقها على بعض، نقفلها على بعض وندهن ونقفل وندهن حتى تصبح مكورة متل الفيديو
نضعها في صنية الخبز المدهونة بالسمنة ونتركها ونغطيها بكيس نايلون وترتاح نص ساعة
بعد ما ترتاح باليد وليس بأي شيء أخر نبدأ بفردها في الصنية كاملة دون الضغط بشدة
بعد ما نفردها نريحها عشر دقايق يكون خلال هالوقت الفرن حامي على 200 درجة ثم ندخل الصنية للفرن
نتركها حتى تحمر قليلاً أو ما تحمر شوي لون ذهبي نخرجها
أنا تركتها شوي زيادة تحمر فكانت من بره بتقرمش... يعني حسب ما بتحبوها... وبالعافية على قلوبكم
قطعيها 4 قطع وبس تبرد دخليها الفريزر مشان تضل فريش كل ما تحتاجوا منها بتسخنو... وصحتين
No comments:
Post a Comment