بسكوت لانكشير

بسكوت اللانكشير 

المكونات:

كوب سكر بودرة

2 أصبع زبدة كل أصبع 200 جرام (زبدة طرية بحرارة الغرفة)

2 بيضه

1 م ص فانيليا سائلة

2 كوب طحين

2 كوب نشا ذرة

2 م ص بيكنج باودر 

للحشو:

نوتيلا أو لوتس أو مربى

جوز هند أو فستق أو فتات البسكوت 

الطريقة:

نعجن الزبدة مع السكر البودرة جيداً حتى يتجانسو وبضيف البيض والفانيليا ونخلطهم معاً جيداً في كاسه أخرى نخلط المواد الجافة الباقية الطحين والنشا والبيكنج باودر وبعدين نضيفهم فوق خليط الزبدة ونعجن كل المكونات سوى جيداَ ونترك العجينة ترتاح والأفضل لو نشتغل فيها تاني يوم. 

نكور العجينة كور صغيرة ونضعها في صنية الفرن وبطرف الشوكة نضغط عليها ضغطة خفيفة لإعطاءها شكل وشوي يقل ارتفاع الكرة بشي بسيط مع الضغطة وندخلها الفرن على درجة 180 من 15 إلى 20 دقيق حسب حرارة فرنك ويكون من تحت أخذ لون ذهبي، ونتركها تبرد لأنها حساسة متل الغريبة وبعد ما تبرد نحط حشوة متل ما منحب نوتيلا أو لوتس أو مربى ونطبق كل حبتين مع بعض ونمرر كل وحدة على جوز هند أو فستق ناعم مشان يلزق على طبقة الحشو ويعطي شكل جميل للتزيين... وهيك وصفتنا اليوم بتكون جهزت وصحتين على قلوبكم