.
دجاج ورز بالبهارات
المكونات:
2 دجاج كامل مقطع فخاذ وصدور مسلوق (بعد تنظيفه جيداً وسلقه مع ورق الغار والبهارات الصحيحة المتوفرة – أول غلوة بتكون بدون بهارات ونرمي الماء ثم نضع ماء جديد مع البهارات مشان الزفر يقل)
نص كيلو لحمة مفرومة
4 كوب رز بسمتي
مرقة الدجاج سنستخدمها للرز
بهارات (قرفة وبهار حلو وجوزة الطيب بكمية مش أقل من 2 ملعقة صغيرة لكل واحد)
ملح حسب الرغبة
رشة زنجبيل بودرة
مكسرات محمرة بشوية زيت على النار لتزيين الوش – حسب الرغبة
الطريقة:
نجهز طنجرتين وحدة للرز ووحدة للدجاج
بعد سلق الدجاج نفصفص الدجاج كاملاً، وبالطنجرة الأولى رح نقلي اللحمة المفرومة بشوية زيت مع رشة بهار حلو ورشة ملح وبنزل فوقها الدجاج المقطع مع رشة بهار أخرى ورشة ملح ونقلبهن على النار جيداً تياخدو مع بعض وهيك بيكونو جاهزين
بالطنجرة الثانية نضع الرز ولكل كوب رز كوب ونص مرقة دجاج بنفس الكوب المعيار الذي تم قياس الرز فيه طبعاً... وبعدين بحط البهارات المذكورة والملح حسب الرغبة وبسوي الرز على النار لغاية ما يغلي بخفف النار على الآخر وبسويه على نار هادية ويكون مغطى لحتى يستوي
رح تلاحظو إنه الرز من البهارات صار مايل للون البني والريحة بتجنن
بصحن التقديم نضع الرز وفوقه الدجاج المقطع باللحمة المفرومة ثم نزين الوش بالمكسرات
كتير طيبة وجمبها ممكن نعم صوص صلصة بندورة أو سلطة... وصحتين
No comments:
Post a Comment