يخنة كوسا مع رز مشخول
تابعوني مشان طريق الرز، وهلأ رح أعطيكم طريقة يخنة الكوسا
المكونات:
2 كيلو كوسا مقطعة معكبات
بصلة مفرومة ناعم
معلقتين صلصة كبار
كوبين ماء
رشة بهار حلو
ملح حسب الرغبة
نص راس ثوم مهروس ناعم
2 ملعقة صغيرة نعنع ناشف
الطريقة:
الكوسا بعد تقطيعها منقليها كويس على نار هادية ونقلب فيها لغاية ما تستوي وتصير مطبوخة، في طنجرة تانية نقلي البصلة بشوية زيت لحتى تدبل وبنزل فوقها الكوسا ومنقليهن سوى منيح وبعدين بنزل الصلصة والماء وبحرك منيح
يتم اضافة البهار والملح ونتركهن يتسبكو سوى على نار متوسطة ونحرك كل شوي لغاية ما تتقل الصلصة شوي وبعدين بكون مجهزة الثوم والنعنع مع بعض وبنزلهن فوق الكوسا
منحركهن سوى ونتركها على نار خفيفة تغلي لمدة 5 دقايق وبعدين نطفي النار ونقدمها مع الرز، أنا عمل رز مشخول فضيت منه الماء اللي غليته فيه مشان يكون خفيف وصحي تابعوني لطريقة الرز... وصحتين
No comments:
Post a Comment