فطير مشلتت محشي

فطير مشلتت محشي 

اليوم استخدمت نفس وصفة الفطير المشلتت اللي عملتها من فترة، حتلاقوها بحسابي بس هالمرة حشيتها من المخابز والمطاعم طلعت شيء فظيييييع ولذييييذ، رح ارجع حط وصفة الفطير وكيف طريقة الحشو 

المكونات: 

أولاً الفطير:

3 كوب طحين

رشة ملح

رشة سكر

ماء فاتر للعجن تقريباً كوب حسب الطحين المستخدم

زبدة أو سمنة لدهن العجين وفردها 

الحشوة:

أي نوع مرتديلا أو بسطرما أنا استخدمت مرتديلا دجاج مقطع صغير

طماطم مكعبات صغيرة

جبنة موزاريلا

مشروم شرايح

زعتر

زيتون شرايح

نخلط المكونات للحشو سوى ونخليها جاهزة 

الطريقة:

نخلط جميع المواد الجافة مع بعض ونضع الماء ونعجن جيداً وندهن العجينة بشوية زيت ونتركها ترتاح نص ساعة ونغطيها بكيس نايلون، وبعدين على طاولة كبيرة نبتدي بالفرادة نفرد العجينة حتى تصبح وبسماكة متوسطة نبتدي نفردها بإيدنا مع دهنها بالزيت حتى تصبح رقيقة جداً، باليد ندهن العجينة المفرودة بالزبدة أو السمنة جيداً مش مشكلة لو في مناطق تقطعت منك المهم تكون رقيقة وبعدين رح نلمها مع بعضها.

وفي نصف جهة من العجينة المفرودة نضع الخلطة ونوزعها بس على نص الجزء متل الفيديو والجزء الآخر نبتدي نطويه على الحشوة، ونرجع ندهن العجينة اللي طويناها بالسمنة ونرجع نطوي مع وجود الحشوة داخلها وهكذا لغاية ما نلم العجينة كلها مع بعض بشكل دائري والحشو داخلها. بس تنلم نضع في صنية مدهونة سمنة ونغطيها بكيس نايلون ونتركها ترتاح نص ساعة تانية، وبعدين باليد نفردها في الصنية الخاصة بالفرن اللي وضعناها فيها لحتى تنفرد داخل الصنية بكف اليد ثم نريحها 10 دقايق.

ندخلها الفرن الحامي مسبقاً على حرارة 180 ونتركها حتى يصير لونها ذهبي مائل للحمرة قليلاً ومنطلعها من الفرن ومنقطعها وبتتقدم... وبالعافية على قلوبكم وألف صحتين