برياني دجاج على طريقتي
المكونات:
٦ بصل شرايح
٥ بندورة مكعبات صغيرة
٣ علبة زبادي
ملح
بهارات مطحونه نص معلقة من كل ما يلي (بهار حلو - هيل - قرفة - لومي - بهار حر - جوزة الطيب - كركم)
دجاج فريش مقطع اربعه - عدد ٤ دجاجات
رز بسمتي ٦ كبايات
شرائح بطاطا مدوره
ماء لغلي الرز
ماء ورد
صفار الزعفران
زعفران
الطريقة:
بالطنجرة بحط زيت وبقلي شرايح البصل تيدبل وبنزل عليهن البندورة وبحرك منيح ويبتدي حط الملح وبهاراتي وبعدين بضيف اللبن روب عليهم وبحرك منيح وبتركهن يغلو
بكون بهالوقت سلقت الدجاج انا اول شي يسلق نص سلقه بعد تنظيفه وبرمي المي والزفره وبخط مي نضيفة جديدة مع كل بهاراتي مشان استعمل شوربة الدجاج بوقت تاني
بمقلاية صغيرة بقلي قطع الدجاج وبسقطهن فوق خلطة الزبادي والبصل بالطنجرة التانية وكمان بقلي شرائح البطاطا وبرصهن صف تحت الدجاج وبخليهن على نار خفيفة وبخليهن ينطبخو شوي
والرز بحطه بالطنجرة مع ماي زيادة بكتير بخليه يستوي نص سوى (رز مشخول) وبصفيه وبحطه فوق الخلطة والدجاج بالطنجرة واقفل الغطا يستوي على مهله على نار خفيفة
اخر شي بس الاقي حبة الرز طولت واستوت بكون مجهزة نص كوب ماء ورد مع زعفران منقوع فيها ومعلقة صغيرة صفار الزعفران بصفي المي الصفرا وبرميها بشكل عشوائي فوق الرز وبمعلقة كبيرة بقلب على خفيف طبقة الرز ببعضها تتنخلط الألون وبطفي النار وبقلب الطنجرة بصنية وصحتين... شي ولا بالخيال وهنا وعافية
No comments:
Post a Comment