صلصة البشاميل

صلصة البشاميل

نص اصبع زبدة (٥٠ جرام)

فنجان قهوة زيت

٥ م ك طحين مش مليانين

٥ كوب حليب سائل

رشة بهار أبيض

ملح حسب الرغبة 

٢ م ك جبنة كريمي (كبايات)

افوكادو سموذي

أفوكادو سموذي

المكونات:

١ حبة أفوكادو صغيره طرية او نص حبة كبيرة

١ موزه متوسطة

١ كوب حليب

١-٢ م ك عسل

جوز ورمان ونعنع للتزيين

الطريقة موجودة على الـ IGTV 👀🎥👩🏻‍🍳

روبيان نودلز صينية

نودلز الروبيان الصينية

 Chinese Shrimp Noodles 

المكونات:

2 كيلو روبيان مقشر ونظيف

البهارات ملعقة صغيرة مش مليانة من كل من (بودرة بصل – كبش قرنفل – شطة حمرا – بهار أبيض – زنجبيل بودرة – كركم – جوزة الطيب – بودرة ثوم – بهار حلو)

2 ربطة بصل أخضر مفروم عريض

2 حبة جزر كبار  مفرومي رفيع طويل أو مبروشين

2 ملفوفة كبيرة مفرومة ناعم أو عريض

علبة مشروم مقطع

فنجان قهوة صلصة صويا معتدلة

نص كوب صلصة ماجي تتبيلة سيزونيج

نص علبة أناناس كبيرة مقطع (نص العصير ونص الأناناس)

8 حبات كياس نودلز اندومي أو غيره (بدون بهاراتها) 

ملاحظة مهمة:

قبل وضع النودلز نتذوق طعم خلطة الخضار والروبيان في حال احتجنا لملح اضافي حسب الرغبة

يتم وضع النودلز بعد تصفيته على طول فوق خلطة الروبيان مشان ما يعجن 

فيديو مصور لطريقة التطبيق موجود على الـ IGTV 👀🎥👩🏻‍🍳

لبن روب شغل بيت

٣ كوب ماء

١ كوب حليب بودره

٢ م ك لبن روب جاهز

بيف ستروجونوف

بيف ستروجونوف 

المكونات:

كيلو لحمة بفتيك (يقطع شرايح طولية مثل الشاورما)

علبتين مشروم قطع

2 كوب كريمة سائلة كي دي دي

علبة قيمر كي دي دي

2 م ك فلفل حار شطة فريش مطحون

مكعبات ماجي أو ملح حسب الرغبة

البهارات نص ملعقة صغيرة من كل من (بهار حلو – كزبرة ناشفة – جوزة الطيب – فلفل أسود – لومي – بودرة ثوم – بودرة بصل – بودرة زنجبيل)

م ص بهارات لحم

2 جزر حجم وسط (مفرومين ناعم بالخلاط)

3 بصل وسط مقطع جوانح

علبة صلصة بندورة 

الرز: 2 مكعب ماجي – 2 كوب رز مصري – بضيف الماء حتى يغمر الرز حوالي أصبعين فوق كمية الرز لو مش منقوع (حوالي كوب ونص ماء لكل كوب رز) 

الطريقة:

بشوية زيت على النار بحط البصل وبقليه تيدبل بعدين بنزل فوقهن شرايح البفتيك المقطعة مشان يتقلوا على النار وبنزل البهارات وبقلي اللحمة منيح لغاية ما تستوي

بعدين بنزل المشروم والجزر والشطة الخضراء بعدين الماجي وبحرك منيح حتى تذوب، بعدين بضيف الصلصة وبحرك وبعدين القيمر وبحرك وبضيف آخر شي الكريمة الحمراء وبحركهن مع بعض منيح

بنخليها على نار عالية لغاة ما تغلي، وبخفف النار وبتركها حوالي عشر دقايق مشان تتقل الصلصة وبتكون جاهزة

منعمل جمبها رز أبيض، أنا عملت رز مصري، أول شي بشوية زيت بالطنجرة بحمر مكعبين الماجي تياخدو لون بني – بضيف فوقها الرز المصري المغسول وبقلبهن سوى مشان الرز ياخذ لون الماجي

نضيف الماء فوق الرز ونتركهن على نار عالية حتى يغلي، بتركه يغلي على نار عالية لحوالي دقيقتين وبسكر الطنجرة، بعدين بخفف النار على الآخر وبترك الرز يستوى على الهادي

وهيك بيكون الستروجونوف والرز جاهزين.. وصحتين 

فيديو مصور للوصفة موجود على الـ IGTV 👀🎥👩🏻‍🍳

دجاج ومشروح بالصلصة البيضاء وسباجيتي

دجاج ومشروم بالصلصة البيضاء مع سباغيتي 

المكونات:

صدور دجاج مخلية

راس ثوم مفروم ناعم

بهارات نص ملعقة صغيرة من كل من (بودرة بصل – بودرة ثوم – زنجبيل بودرنا – بابريكا – كبش قرنفل – روزماري مطحون – قرفة – جوزة الطيب)

علبة مشروم مقطع 

صلصة البشاميل:

نص أصبع زبدة (50 جرام)

فنجان قهوة زيت

5 ملاعقة كبيرة مش مليانة طحين

5 كبايات حليب كامل الدسم

رشة بهار أبيض

ملح حسب الرغبة

2 م ك جبنة كبايات (جبنة كريمي) 

المعكرونة:

معكرونة سباجيتي مسلوقة 

الطريقة موجودة مصورة بالكامل على الـ IGTV 👀🎥👩🏻‍🍳

رز بحليب ناعم

رز بحليب (رز ناعم)

المكونات:

٤ كوب حليب سائل كامل الدسم

١/٢ كوب سكر وإذا بتحبوا حلو حطوا كوب

١/٢ كوب رز مصري شمطحون ناعم

ربع ملعقة مسكة مطحونة

ملعقة كبير ماء زهر

ملعقة صغيرة ماء ورد (اختياري)

الطريقة:

نضع الحليب والرز والسكر والمستكة معاً في طنجرة على النار ونستمر بالتقليب جيدا حتى يغلي ثم حتى يتماسك (يحتاج وقت)

بعدما يتماسك اثناء التحريك نقوم بوضع مقدار الماء زهر والماء ورد ثم نحرك جيدا لدقيقة ونطفئ النار ونسكب الرز بحليب في كاسات ونتركه يبرد ثم ندخله الثلاجة ليبرد جيدا وبيكون جاهز للاكل وعوافي على قلوبكم... يمكنكم تزيين الوش بأي مكسرات بتحبوها مع زبيب او جوز هند او قرفة مطحونة

فيديو مصور للوصفة رح تلاقوها على الـ IGTV 👀🎥👩🏻‍🍳

دجاج مشوي بالصلصة

دجاج مشوي بالصلصة

المكونات:

٢ دجاجة (فراريج) مقطعين ٤ قطع 

٢ بطاطا مقطعين شرايح

للصلصة:

حبة بندورة مقطعة

حبة جزرة مقطعة

٦ حصوص ثوم

بهارات نص م ص من كل من (بودرة بصل - بودرة ثوم - فلفل شطة حار - قرفة - كبش قرنفل - فلفل أسود - جوزة الطيب - زنجبيل - بابريكا)

م ص ملح

٢ كوب ماء

٢ م ك صلصة

الطريقة:

في صنية الفرن نرص اولا طبقة من البطاطا الشرائح وفوقها نرص الدجاج القطع

بالخلاط نخلط مكونات الصلصة كاملة ونوزعها فوق صنية الدجاج

ندخل الصنية الفرن على ارضية الفرن على حرارة ١٨٠ لغاية ما يتحمر الدجاج وتقل الصلصة انا معي اخدت ساعتين وصارت جاهزة للتقديم

وصحتين ❤️ بالنسبة للمعكرونة والسوتيه تم وضعهم في البوستات السابقة 

فيديو للوصفة موجود على الـ IGTV 👀🎥👩🏻‍🍳

سوتيه خضار

سوتيه خضار

المكونات:

كيس بازيلا وجزر مثلج

٢ بطاطا وسط مقشره مقطعة مكعبات

٢ بصل وسط مقطع جوانح

شريحة زبدة وشوية زيت

رشة ملح حسب الرغبة

فلفل أسود للوش عند التقديم

الطريقة:

بالطنجرة منسيح الزبدة ونحط معها شوية زيت وبعدين بنزل فوقها الخضار كله وبرش الملح

بقلب على النار وبغطي الطنجرة وبخليها على نار خفيفة مشان تستوي البطاطا

بس تستوي البطاطا بطفي تحتها وبسكبها بصحن التقديم وبرش على الوش بهار أسود وصحتيييييين 😋

فيديو مصور للوصفة موجود على الـ IGTV 👀🎥👩🏻‍🍳

معكرونه بالصلصة والثوم ابعو

معكرونة بالصلصة والثوم

المكونات:

كيس معكرونة وسط اَي نوع يفضل الأحجام الصغيرة

راس ثوم مفروم ناعم

مكعبين ماجي أو م ص ملح

كوب ماء

م ص كمون

٤ م ك صلصة 

الطريقة:

نسلق كيس المعكرونة ونصفيه

بطنجرة على النار بحط شوية زيت وبحمر الثوم تيدبل وبنزل فوقهن الصلصة وبقلبها على النار ثم نضع مكعبات الماجي او الملح

نضع كوب ماء ثم الكمون ونتركها على النار حتى تغلي الصلصة دقيقتين وتتماسك

بنزل فوقها المعكرونة المسلوقة وبقلبها بالصلصة منيح وبتركها دقيقتين تستوي وتتجانس مع الصلصة وبطفي النار وبتكون جاهزة للتقديم وصحة وعافية

فيديو مصور للوصفة موجود على الـ IGTV 🎥👀👩🏻‍🍳

فخدة عجل مشوية مع خضار

فخدة عجل مشوية مع الخضار

المكونات:

فخدة عجل صغير (حوالي ٥ كيلو)

خضار مقطع شرايح (بطاطا - فليفلة حلوة ملونة- جزر - بصل- حصوص ثوم صحيحة)

لتتبيل الفخذة:

بهارات ملعقة صغيرة من (بهار حلو - كبش قرنفل - قرفة - بودرة بصل - بودرة ثوم - اوريغانو - روز ماري مطحون - بابريكا - كركم - كمون - ملح)

٢ م ك خل ابيض

ربع كوب زيت زيتون

ربع كوب زيت نباتي

علبة لبن روب (زبادي)

الطريقة:

نقوم بتنظيف الفخدة من الدهون قدر المستطاع ونعمل بالسكين ٣ فتحات طولية مشان ندهنها بالتتبيلة.

نخلط مكونات تتبيلة الفخدة وندهن الفخدة جيدا بالتتبيلة من كل الجهات وبين الفتحات اللي تم عملها ونترك الفخذة بالتتبيلة ساعة

خلال هالوقت نقطع الخضار ونضع شرايح الخضار في صنية الفرن موزعه ثم نقرم بوضع الفخده المتبلة فوق الخضار ونقفل الصنية بالورق الألمنيوم جيدا وندخل الفخدة على ارض الفرن على حرارة ١٨٠ الى ٢٠٠ ونتركها حوالي ساعة ثم نخرجها لاختبار الاستواء

اذا كانت الماء في قعر الصنية اللي تكونت من الخضار واللحمة كتيرة نضعها مرة اخرى في ارض الفرن ساعة أخرى وإذا كانت المرقة قليلة نرفعها لوسط الفرن ونتركها ساعتين تانيين

حتى تستوي اللحمة وتقل المرقة 

الفخدة اخدت معي ٣ ساعات في الفرن وطلعت رائعة في الطعم والطراوة... وصحة وهنا 🥰

فيديو مصور للوصفة موجود على الـ IGTV 👀🎥👩🏻‍🍳

فتة لحمه للعيد

فتة اللحمة المصرية

الطبق الأولى:

خبز مصري مقطع نرش عليه ديت زيتون وثوم مفروم ناعم ونخلطهن منيح وندخلهن بصنية على الفرن يتحمصه

الطبقة الثانية:

رز مصري مفلفل بالزبدة والزيت والماجي او الملح 

الطبقة الثالثة:

بصل وثوم مفروم ناعم مندبلهن بشوية زيت على النار وبنزل فوقهن لحمة شقف كبيرة منقليها منيح لغاية تكون استوت ونشف دمها بحط بهارات (بهار حلو - بابريكا-بودرة بصل- بودرة ثوم- فلفل أسود - كبش قرنفل مطحون - شطة حمرا حاره مطحونة- وبهارات اخرى حسب شو بتحبو من المتوفر)

نضع عليها ماء مغلي ونخليها تغلي لغاية ما يقل الماء ثم نضيف مره اخرى ماء مغلي كمية ونتركهن حتى يخلص الماء بنفس الطريقة ٤ او خمس مرات لغاية ما تكون اللحمة استوت على الآخر وصارت طرية جدا انا سلقتها من قبل بليله

الطبقة الرابعة والأخيرة:

صلصة بالثوم والخل 

بشوية زيت على النار مندبل راس ثوم مفروم ناعم وبالخلاط يكون خلطت حوالي ٧ حبات بندورة مع كوبين ماء وبهارات وملح وبسكب البندورة فوق الثوم ثم نضع ٤ ملاعق صلصة وكوب ماء ونتركها لغاية ما تغلي وتتقل ثم نضيف ملعقة ثوم مهروس فريش وبضيف فوقها نص كوب خل أبيض ونتركها دقيقة على النار ونطفي تحتها

هيك بتكون مكونات الفتة صارت جاهزة

بصنية كبيرة نضع طبقة الخبز المحمص وتسقيه من ماء اللحمة شوي مشان يطرى

ثم نضع طبقة كبيرة من الرز لتغطية الخبز وتكون طبقة سميكة

ثم نزين بالصلصة الوش ونضع شقف اللحمة

وممكن تحمرو شوية لوز لو بتحبوا للوش

وعملت قالب بشكل الكيك للفتة عملت فيه طبقة رز كبستها بالمعلقة تتماسك وبكاسه صغيرة سقيت الخبز بمرقة اللحمة وحطيتها فوق الرز ثم وبعدين قلبتها بصنية كبيرة وزينت الوش بالصلصة واللحمة

وهيك فتة اللحمة المصرية صارت جاهزة والف صحة وهنا وكل عيد اضحى وانتوا بخير 😋😋😋😍😍😍 فيديو مصور للوصفة رح حمله كامل على الـ IGTV 👀🎥👩🏻‍🍳انتظروني 🥰

شوربة دجاج بالكريمة

شوربة دجاج بالكريمة

المكونات:

علبة مشروم شرايح

بصلة وسط مفرومة ناعم 

مرقة سلق دجاج (حوالي ٦ أكواب)

ملح او مكعبات ماجي حسب الرغبة 

علبة كريمة للطبيخ ٢٥٠ مل

م ص قرفة مطحونة

ماء وطحين (حوالي نص كوب ماء مع ٦ م ص طحين)

قطعة زبدة للوش

الطريقة:

نقلي البصلة بشوية زيت  وبنزل فوقها المشروم يتشوح على النار بعدين بنزل مرقة الدجاج والقرفة والملح والكريمة 

بس تغلي بكون مجهزة خلطة الطحين والماء وبنزلها فوق الشوربة وبحرك 

سماكة الشوربة بتكون حسب الرغبة اذا بتحبوها اتقل ممكن تزيدوها ربع كوب ماء مع ٣ ملاعق صغيرة طحين 

اخر شي لما تغلي بعد وضع خلطة الطحين نضع شريحة زبدة للوش تيعطي نكهة طيبة للشوربة

وهيك الشوربة بتكون جاهزة للتقديم والف صحة وهنا

فيديو مصور للوصفة موجود على الـ IGTV 👀🎥👩🏻‍🍳

صفيحة بعلبكي بف بيستري

صفيحة بعلبكية بعجينة الباف بيستري

المكونات:

عجينة بف بيستري جاهزة مبردة بالفريزر

٢ بصلة كبيرة مفرومة

نص كيلو لحمة مفرومة ناعم

م ص بهار حلو

م ص جوزة الطيب ناعم

٢ مكعب ماجي

نص كوب طحينة سمسم

نص كوب دبس رمان

صنوبر محمر للوش حسب الرغبة

الطريقة:

منقلي البصل بشوية زيت تيدبل وبنزل فوقه اللحمة تتقلى وبحط البهارات والماجي

بعد ما تكون استوت اللحمة منيح بنزل فوقها الطحينة وبحركها على النار دقيقتين بعدين بحط دبس الرمان وبخليها دقيقة على النار وبطفي

بشكل عجينة الباف بيستري متل ما بحب وبحط الحشوة تبع اللحمة وبرصها بصنية مدهونة بشوية زيت

وبدخلها الفرن على حرارة ١٨٠ لغاية ما تتحمر العجينة على لون ذهبي وبطلعها وبتكون جاهزة للتقديم

ممكن نحمر صنوبر ونزين فيها الوش حسب الرغبة وصحتين

فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعوني على حساب الفيسبوك والانستغرام 

@kit_chef

مشروم بالكريمة

مشروم بالكريمة بالفرن 

المكونات:

خمس علب مشروم كامل

علبة كريمة سائلة (حوالي 4-6 كبايات)

ملح أو مكعبات ماجي

راس ثوم مهروس

باقة كزبرة خضرا مفرومة ناعم (أنا عندي كزبره خضراء مفرزة)

جبنة موزاريلا للوش 

الطريقة:

منقلي نص كمية الثوم بشوية زيت بالطنجرة وبنزل فوقها المشروم بعد ما غسلته وبخليه يتشوح مع الثوم على النار

بنزل الكريمة مشان يغلوا سوى وبحط مكعبات الماجي وبنزل النص الثاني من كمية الثوم

بحط الكزبرة معهن وبخليهن يغلوا على النار دقيقتين وبعدين بنقلهن على صنية الفرن

منرش الوش بالجبنة الموزاريلا وبدخل الصنية على الفرن حرارة 180 لغاية ما يتحمر الوش ... وصحتين 

فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعوني على صفحة الفيسبوك والأنستغرام

@kit_chef

كفتة داوود باشا ورز

كفتة داوود باشا ورز محمر 

المكونات: 

أولاً: الكفتة 

كيلو كفتة من اللحام (لحمة وبصل وبقدونس وبهار حلو)

1 بصلة مفرومة ناعم

1 م ص بهار حلو

ملح أو مكعبات ماجي حسب الرغبة

2 بندورة كبيرة لعمل الصلصة

علبة صلصة كي دي دي

2 كوب ماء 

ثانياً: الرز المحمر

3 كوب رز مصري

ملح أو مكعبات ماجي

3 ونص كوب ماء

مكعبات نكهة الرز ان وجد 

الطريقة: 

الكفتة: نقلي البصلة بشوية زيت وبس تدبل بكون جهزت الكفتة كرات وبنزلها شوي شوي فوق البصل، بتركها للكفتة تتستوي وبعدين بحط البهار والملح، وبالخلاط بكون جهزت البندورة مخلوطة مع الماء والصلصة، وبصب الصلصة فوق الكفتة

بتركها على نار قوية لحتى تغلي بخفف تصير نار وسط مشان الصلصة تتماسك وتتقل وبطفي النار تحتها 

الرز: بشوية زيت على النار بنزل الرز بعد ما غسلته وبضل بقلب فيه لغاية ما ياخد لون ذهبي إلى محمر وبنزل فوقهن الملح ومكعبات الرز اذا متوفرة وبعدين بنزل الماء وبتركهن لغاية ما يغلوا على نار قوية أو ما تغلي بتركها دقيقتين تغلي والطنجرة مغطاية وبعدين بخفف النار على الآخر لغاية ما يستوي الرز 

هيك بتكون طبختنا جهزت وألف صحة وهنا... فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعوني على حسابي على الأنستغرام والفيسبوك @kit_chef

كانيلوني بالكريب

كانيلوني بالكريب

المكونات:

أولاً: خلطة الحشوة

٣ بصلات مفرومين ناعم

نص كيلو لحمة مفرومة ناعم

٣ فليفلة حلوة خضرا مفرومة ناعم

٣ بندورة مفرومة ناعم

١ جزرة كبيرة مفرومة ناعم

علبة مشروم مقطع

ملح حسب الرغبة او مكعبات ماجي

بهارات: نص م ص بودرة بصل - م ص بهار اسود حلو- نص م ص جوزة الطيب

م ك صلصة 

الطريقة:

بطنجرة على النار نقلي البصل بشوية زيت تيدبل وبنزل فوقهن اللحمة تتقلى، بعدين بضيف البهارات والماجي والمشروم ثم الخضار المفرومة بقلبهن مع بعض على النار وبضيف الصلصة ثم نتركهم تلت ساعة ينطبخو سوى على النار ومنطفي عليهن

ثانياً: خلطة الكانيلوني

٣ كوب حليب سائل

٤ بيض

رشة ملح

٢ كوب طحين

الطريقة:

نخلط المكونات سوى جيدا ومنحمي مقلاية على الفرن وندهنها زيت ونصب من الخليط شوي ونوزعه بالمقلاية تيكون طبقة رفيعة ونتركها تستوي على نار خفيفة ونكمل الخليط اللي عندي كله ونتركهن يبردو

بس نخلص الكريب كله ببتدي أحشيهن بخلطة الخضار واللحمة ونلفهم نفس ما بنلف الورق عنب والسبرينج رول ونرصهن بصنية مدهونة زيت

ثالثاً: خلطة البشاميل

٣ كياس بشاميل كنور

٦ كوب حليب أو ٦ كوب ماء مع ١٢ م ك حليب بودره

الطريقة:

نفس التعليمات اللي مكتوبة على مغلف البشاميل ونحط الخليط على النار ونستمر بالتحريك لحتى يتماسك 

نقوم بصب خليط البشاميل فوق لفات الكريب اللي بالصنية حتى نغطيها وندخلها فرن حرارته ١٨٠ لغاية ما يتحمر الوش متل ما بتحبوه 

ونطلعها وبتكون جاهزة للتقديم وصحتيييين 

الطريقة مصورة بالكامل موجودة على الـ IGTV 👀🎥👩🏻‍🍳 لمزيد من الوصفات تابعوني على حسابي بالانستغرام والفيسبوك 

@kit_chef

فطور شوفان خلطة ١

.

افطار الشوفان

Overnight oat meal

المكونات:

المكون الرئيسي هو الشوفان مع الحليب 

٤ م ك شوفان 

كوب حليب قليل او خالي الدسم

الإضافات الأخرى حسب الرغبة:

اَي نوع فواكه مستحب (تفاح - موز - فراوله - كرز - توت...)

فواكه مجففة اَي نوع مستحب (زبيب - مشمش - قراصيا - كرز مجفف...)

قرفة بودره - هيل - زعفران _ بودرة شوكولاته

جوز هند

عسل او مربى

مكسرات جوز او لوز او غيره

كل الإضافات بتكون حسب الرغبة وشو بتحبوا... ان شاء الله مرات تانية منعمل كل مره نكهة جديدة سوى

فيديو كامل موجود على الـ IGTV👀🎥👩🏻‍🍳 تابعوني لمزيد من الوصفات على حسابي بالانستغرام والفيسبوك 

@kit_chef

شوربة عدس بالقرع والجزر

شوربة عدس بالقرع والحزر

المكونات:

كوب عدس أحمر

نص كوب رز مصري

بصلة كبيرة مفرومة ناعم

كوب ونص قرع مقطع مكعبات

جزرة كبيرة مقطعة شرايح

٢ مكعب ماجي او ملح حسب الرغبة

لتر ونص ماء (٦ أكواب)

نص م ص بهار حلو اسود

٢ م ص كمون مطحون

للتقديم: خبز محمص مقلي او بالفرن (انا عملته بالفرن تقليلاً للدهون) وحامض

الطريقة:

منقلي البصلة على النار تتدبل بنزل فوقها العدس والرز يتقلوا معها 

بنزل فوقها القرع المقطع والجزر يتقلوا 

بحط الماجي او الملح وبنزل الماء

بحط البهار والكمون وبخلط منيح كل المكونات

بتركهن على النار تيغلوا ويستوي الرز والعدس

بس يستوي بالخلاط اليدوي او العادي بطحن كل المكونات سوى

بتركهن على النار عشر دقايق على نار متوسطة وبكون بهالوقت حمصت الخبز

بسكبها وبتكون جاهزة للتقديم

زينتها بالبقدوتس وجهزت الخبز والحامض...مممم طعمتها ولا أطيب

صحتين وان شاء الله بتعجبكن 😍😋 فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعو حسابي على الفيسبوك والانستغرام 

@kit_chef

دجاج ورز

دجاج ورز بالبهارات

أولاً الدجاج:

عدد ٢ دجاجة حجم متوسط

زبدة

٢ جزر مقطع

٢ بصل مقطع نصاص

حامضة مقطوعة نصين

حصوص ثوم

عصير حامضه

بهارات نص ملعقة صغيرة من كل من (بهار حلو - بهار حر - زنجبيل - روز ماري- بودرة بصل- بودرة ثوم- حر أحمر - بابريكا - لومي اسود مطحون - هيل مطحون - خردل حب مطحون-ريحان مجفف- جوزة الطيب مطحونة-بهارات مشكلة)

١ م ص ملح

٣/٤ كوب زيت

في وعاء كبير نخلط كل البهارات ونحط الملح والحامض والزيت ونخلطهن سوى وندهن الدجاج زبدة وبعدين بالخلطة تبع التتبيلة جيدا من الداخل والخارج، في نفس التتبيلة نضع البصل والحزر والثوم والحامضة المقطوعة نصين ونتبلهم ونحط داخل كل دجاجة جزر وبصل وثوم ونقفل فتحة الدجاجة بنص حامضة ونقفل الأفخاذ عليها (نخلي بصل وجزر وثوم وخلطة التتبيلة شوي منها لاستخدامها لعمل الصلصة)

نترك الدجاج بالتتبيلة ليلة كاملة او اقل شي ٣ الى ٤ ساعات في الثلاجة

نطلع الدجاج بعد هالوقت ونلفه بورق الزبدة ثم بالقصدير وندخله الفرن على حراره ١٨٠ لمدة ساعة ونص الى ساعتين

نطلعهم ونشيل عنهم الورق وندخلهم مرة تانية مشان يتحمروا ربع ساعة وممكن ندهنهم شوية زبدة او نرشهن بخاخ زبدة تيتحمروا 

ثانيا اللحمة المفرومة:

كيلو لحمة مفرومة

م ص بهار حلو

م ص زنجبيل

رشة بهارات لحمة

بطنجرة على النار نضع شوية زيت ومنقلي اللحمة مع البهارات لحتى تستوي ومنخليها على جنب تنخلص باقي المكونات

ثالثا الصلصة:

٤ بندورة مقطعين

بصلة مفرومة مع ٣ حصوص ثوم مفرومين

خلطة تتبيلة الدجاج المتبقية مع الخضار

م ك صلصة

مكعبات ماجي

٢ كوب ماء

بالخلاط نضع الطماطم مع كوب ماء ونخلط ثم نضع التتبيلة والخضار ونخلط

في طنجرة على النار مع شوية زيت نضع الثوم والبصل المفرومين نقليهن تيدبلوا

نضع فوقهم خلطة البندورة ثم نضيف كوب ماء والصلصة والماجي ونتركها حتى تغلي نخفف النار عليها ربع ساعة ونطفي وهيك جهزت الصلصة

رابعا الأرز بالبهارات:

٣ مكعبات ماجي

٣ كوب رز بسمتي

١ ونص م ص بهار حلو مليانه

١ ونص م ص قرفة مليانه

٤ كوب ماء

بطنجرة نضع شوية زيت ومنحمر مكعبات الماجي 

وبنزل فوقهن الرز يتحمر معهن بعدين بخط البهارات القرفة والبهار الحلو فقط

بضيف الماء

بسكر الطنجرة وبتركهن على نار عالية حتى يغلو وبتركهن ٣ دقايق عميغلي على نار عالية وبعدين بحركهن وبخفف النار على الآخر لغاية ما يستوي الرز

للوش بجهز مكسرات بحمرهن بشوية زيت على النار 

في طبق تقديم كبير منسكب الرز ثم على الوش نضع اللحمة المفرومة ومنحط الدجاج بالنص ونرش المكسرات نزين الوش وكمان نزين ببقدونس مفروم ومنسكب كاسه للصلصة 

فيديو مصور للوصفة موجود على الـ IGTV 👀🎥👩🏻‍🍳

باتنجان وفليفله بالخل والثوم

باذنجان وفليفلة بالخل والثوم 

المكونات:

باذنجان مقطع مكعبات

فليفلة خضرا مقطعة مكعبات

ثوم مهروس

ملح حسب الرغبة

خل أبيض أو أحمر

نعنع ناشف ناعم للوش 

الطريقة:

منقلي الباذنجان المكعبات والفليفلة المكعبات لغاية ما يحمرو

نضعهم في طبق التقديم

نجهز خلطة الخل والثوم منخلط الثوم مع الملح والخل ونضعها فوق الباذنجان والفليفلة ونخلطهم سوى

على الوش منرش نعنع ناشف 

وصحتين وهنا 

فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعو حسابي على الفيسبوك والأنستغرام @kit_chef

كوكيز ايطالية سابليه

الكوكيز الإيطالية بطريقة السابليه

Italian Cookies

كوب طحين

نص كوب سكر بودره + ملعقة ونص كبار سكر بودره

رشة ملح 

٣/٤ كوب + ٢ م ك نشا

٢/٣ كوب زبدة بارده ومقطعة حرارة الغرفة (١٥٠ جرام زبدة)

١/٢ م ص فانيليا

صفار ٣ بيضات مسلوقين

برش نص حامضه

الطريقة:

نسلق البيض وناخد بس الصفار ونهرسه جيدا

في الخلاط نضع الطحين والسكر والنشا والملح وبرش الحامض ونخلط جيدا ثم نضيف لهم الزبدة والفانيليا ونخلط ثم نضيف صفار البيض ونخلط جيدا حتى تتكون عجينة متماسكة

ننقلها على سطح طاوله ونعجن باليد ثم نلفها بكيس نايلون ونتركها على الاقل ساعتين او ليلة كامله

نشكلها ونقطعها بأي قالب سمك ١ سنتيمتر ثم نخبزها في فرن ١٨٠ درجة من ١٢ الى ١٤ دقيقة ولازم الكوكيز ما تحمر تضلها بيضاء

نتركها تبرد ونرشها سكر بودره بس

او نحشيها مربى ونرشها سكر نفس السابليه متل ما انا عملت

كتير طيبة وصحتين على قلوبكم

فيديو مصور للطريقة بالتفصيل موجود على الـ IGTV 👀🎥👩🏻‍🍳 لمزيد من الوصفات تابعوا حسابي على الانستغرام والفيسبوك 

@kit_chef

يخنة فاصوليا

يخنة فاصوليا

المكونات:

فاصوليا بيضاء

بصلة كبيرة مفرومة 

نص كيلو لحمة شقف

صلصة بندورة

ملح

بهار حلو

قرفة ناعمة

الطريقة:

منسلق الفاصوليا ثلاث ارباع استوى

منقلي البصلة بشوية زيت تتدبل

بنزل اللحمة فوق البصلة تتقلى

بحط البهارات

بنزل ماي لسلق اللحمة

بحط صلصة للمرقة

بعد ما تستوي اللحمة بنزل الفاصوليا تنسلق مشان تكمل سوى مع اللحمة

لغاية ما تتقل الصلصة وتستوي الفاصوليا

منعمل جمبا رز وهيك بتكون جاهزة للتقديم وصحتين

فيديو مصور للطريقة موجودة على الـ IGTV 👀🎥👩🏻‍🍳

لمزيد من للوصفات تابعوا حسابي على الفيسبوك والانستغرام 

@kit_chef

كنافه نابلسية

الكنافة النابلسية الخشنة

المكونات: (الكمية بتكفي صنيتين حجم وسط)

نص كيلو عجينة كنافة مقطعة

٣ كيلس جبنة موزاريلا (كل كيس ٢٠٠ جرام) 

٣ م ك سمنة

٣ م ص بودرة صفار زعفران

فستق حلبي حب

فستق حلبي مطحون

قطر لتسقاية الكنافة

الطريقة:

في صنيتين وسط (صدر كنافة) نضع في كل واحدة ملعقة ونص سمنه كبار وملعقة ونص صفار زعفران صغار

منخلطهن ومندهن كل صنية بكميتها

منوزع فوقها الفستق الحبوب متل ما بنحب

وبعدين بقسم عجينة الكنافة المقطعة فوق السمنة بكل صنية

بكوب مسطح نقوم بالضغط على عجينة الكنافة بقعر الكوب

ندخل الصنية على فرن حراره ١٨٠ لمدة ربع الى تلت ساعة تتكون خيوط الكنافة اخدت لون ذهبي فاتح

نطلع الصنية ونوزع الجبنة فوقها (المقدار ٣ كياس نقسمه للصنيتين)

ندخل صنية الكنافة مره تانية للفرن حراره ١٨٠ لمدة تتراوح بين ٥ الى ٨ دقايق تتكون الجبنة ساحت

منطلع الصنية من الفرن وبطرف سكينة منمر على اطرف الصنية مشان الجبنة اللي ساحت وفرقت تنفصلها عن الطراف ونقدر نقلبها وما تكون ملزقه

منجيب صنية اكبر نحطها فوق صنية الكنافة ومنقلبها فيها

منسقي الكنافة هيه وسخنة بالقطر البارد ومنزينها بالفستق المطحون وهيك صارت جاهزة للتقديم

وصحتين على قلوبكم

فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعو حسابي على الفيسبوك والانستغرام 

@kit_chef

خبز باجيت بالنوم

خبز الثوم 

المكونات:

خبز باجيت فرنسي مقطع شرايح

جبنة موزاريلا وزعتر أوريغانو للوش 

خلطة الثوم: زيت زيتون أو زبدة مع كمية ثوم ورشة ملح 

الطريقة:

ندهن شرايح الخبز بخلطة الثوم وندخلهم الفرن حرارته 200 مشان يتحمصه شوي حوالي 20 دقيقة

بطلعهن وبرش على الوش لكل حبه جبنة موزاريلا وبدخلهن مره تانية الفرن تتسيح الجبنة

وهيك بيكونو جاهزين للتقديم 

فيديو مصور للوصفة على الـ IGTV 👀🎥👩🏻‍🍳 لمزيد من الوصفات تابعو حسابي على الفيسبوك والأنستغرام

@kit_chef

سبرينج رول صيني

سبرينج رولز الصينية (بالدجاج و نودلز الرز)

Rice Noodles Spring Rolls 

المكونات:

رقاقات مثلثة أو مربعة للف السبرينج رولز

كيس نودلز رز

6 قطع صدور دجاج مسلوقة ومقطعة

5 بصلات كبار مفرومين

2 حبة جزر كبيرة مبروش

نصف ملفوفة بيضاء مفرومة ناعم

بهارات نص ملعقة صغيرة من كل من (بودرة زنجبيل – بهار أسود حار – خردل مطحون)

بهارات ملعقة صغيرة من كل من (بهار حلو – كركم – بودرة بصل – بهارات ماجي)

مرق دجاج حسب الحاجة لتسوية النودلز

نص كوب صلصة صويا معتدلة الملوحة

نص كوب صلصة ماجي سيزنينج 

طاسة طحين ممزوج مع ماء للزق العجين 

الطريقة:

نضع شوية زيت بطنجرة على النار منقلي أول شي البصل تيدبل وبعدين بنزل الجزر ثم الملفوف ثم الدجاج المقطع وبحط البهارات بعدين بنزل نودل الرز وبحطلهن شوية ما مرقة الدجاج لما سلقته

بس يبتدي النودلز يطرى بقطعهن بالسكينة هنه وجوه الطنجرة وبقلب المكونات مع بعض منيح

هل بنزل فوقهن صلصة الصويا وصلصة ماجي سيزنيج الصينية

وهيك بيكونو جاهزين

ببتدي لف الرقاقات وبلزق طرف العجينة بخلطة الطحين والمي

منقليهن أو منشويهن بس الشوي أخف وأطيب، نضعهم في صنية ونرشهم بشوي من بخاب الطبخ بديل الزيت وبدخلهن الفرن لحتى يتحمروا

وصحة وهنا على قلوبكن 

الوصفة مصورة فيديو موجودة على الـ IGTV 

لمزيد من الوصفات تابعو حسابي على الإنستغرام والفيسبوك

@kit_chef

كشك مصري

كشك مصري (كشك ألمز)

المكونات:

بصلة مفرومة ناعم

٣ كعبات ماجي

فنجان قهوة رز مصري

ماء لساق الرز لتر ونص

٢ علبة لبن روب

عصير ٢ حامض صغار

٣-٤ معالق طحين

الطحين يتم زيادته حسب سماكة الكشك لازم تكون متل الرز بحليب

بصل محمر للوش

الطريقة موجودة مصورة فيديو على الـ IGTV 👀🎥👩🏻‍🍳 لمزيد من الوصفات تابعوني على الفيسبوك والانستغرام 

@kit_chef

عصير قمر الدين بالمنزل

عصير قمر الدين المنزلي

المكونات:

شريحة قمر الدين المصفى (مقطعه شرايح)

لتر ماء (٤ أكواب)

نص كوب سكر

٣/٤ فنجان قهوة ماء زهر

١/٤ فنجان قهوة ماء ورد

الطريقة

نضع شرايح قمر الدين في طنجرة ونصب فوقها الماء والسكر ونضعها على النار تغلي

نطفي النار بس تغلي ونغطيها ونتركها منقوعة لتاني يوم

بالخلاط اليدوي نطحنها ثم نضيف الماء زهر والماء ورد ثم نطحنها مرة اخرى جيداً

نضعها في إبريق العصير ويقدم بارد 😋

وصحتين 

البوست فيديو سريع بيوضح الخطوات 

ورمضان كريم 🌙

متبل فاصوليا بيضا

متبل فاصوليا بيضا 

المكونات

3 كوب فاصوليا مسلوقة

5 فصوص ثوم مهروس

1 م ص ملح (حسب الرغبة)

¾ كوب طحينة سمسم

عصير حامضه ونص

 فلفل أحمر وبقدونس للتزيين 

الطريقة

نضع كل المكونات في الخلاط ونطحنها سوى جيداً

يتم زيادة الملح والحامض حسب الرغبة

يتم زيادة الطحينة حسب السماكة الخاصة بالخليط 

وألف صحة وهنا  فيديو مصور للوصفة موجود على الـ IGTV 👀🎥👩🏻‍🍳 لمزيد من الوصفات تابعوا حسابي على الفيسبوك والانستغرام 

@kit_chef

شاورما لحم

شاورما لحم 

المكونات

كيلو لحم بفتيك مقطع شرايح طولية

نص كوب زيت زيتون

فنجان قهوة خل أبيض

1 ونص م ص ملح

نص ملعقة صغيرة من كل من (بودرة بصل – زنجبيل – فلفل أحمر حار – بودرة ثوم – هيل مطحون – كمون – بهارات مشكلة – جوزة الطيب مطحونة)

رشة بهارات لحم

م ص مليانه كزبرة ناشفة مطحونة

م ص مليانة بهار حلو

عصير حامضة

3 حبات بصل أبيض كبير مقطع جوانح

3 حبات بندورة كبيرة مقطعة مكعبات

2 م ك سماق

نص فنجان قهوة خل أبيض (للبصل والبندورة)

بقدونس مفروم للتزيين 

الطريقة:

نخلط التتبيلة بوضع الزيت والخل والملح والبهارات والحامض مع بعض ثم نضع معهم شرايح اللحمة المقطعة ونخلطهم جيداً مع التتبيلة ثم نتركها في التتبيلة 3 ساعات على الأقل أو نتبلهم من قبل بليلة

في طنجرة نضع شوية زيت وبنزل اللحم المتبل مشان يتقلى منيح، بجهز بهالوقت البصل والبندورة بخلطهم مع السماق ونص فنجان الخل

قبل التقديم هيه والشاورما على النار بنزل عليهن خلطة البصل والبندورة قبل التقديم مباشرة مشان ما يدبلوا بنزلهن مع اللحمة بس خمس دقايق وبعدين منطفي النار تحت الشاورما ومنسكبها بطبق التقديم

منزين الوش بالبقدونس ومنعمل معها طراطور أو حمص بطحينة

أنا عملت جمبها متبل فاصوليا بيضا رح نزل طريقتها المرة الجاية

وصحتين 

طريقة الوصفة موجودة مصورة على الـ IGTV 👀🎥👩🏻‍🍳 تابعوني على حسابي على الفيسبوك والأنستغرام @kit_chef

خلية نحل قطن

خلية النحل - بالجبنة 

المكونات:

4 أكواب طحين

4 م ك حليب بودره

م ك سكر

م ك بيكنج باودر

م ك خميرة فورية 

ربع م ص ملح

علبة لبن روب (زبادي)170 جرام يعني نص كوب

ربع كوب زيت 

كوب ماء دافي 

الحشوة أي صنف ترغبون فيه، أنا سويتها خلية نحل جبنة مثلثات 

للوش بيض مخلوط مع حليب – رشة سمسم – رشة حبة البركة 

تزيين الوش بعد الخبز برشة عسل لفطاير الجبنة تحديداً 

الطريقة:

نخلط المواد الجافة في وعاء و في وعاء آخر نضع الخميرة والسكر والماء الدافي ونخلطهم جيداً ونتركهم ربع ساعة مشان تنفش الخميرة

بعد ما تكون تخمرت ونفشت الخميرة نقوم بإضافة المواضع السائلة لها من زيت وعلبة اللبن روب ونخلطهم جيداً

نقوم بإضافة خليط الخميرة على خليط الطحين ونبتدي نخلط ونعجن جيداً حتى تتجانس العجين

نغطيها ونتركها في مكان دافي لمدة ثلاث أرباع الساعة إلى ساعة

نبدء بتشكيل العجينة كرات وكل كره نضع فيها مثلث جبن ونسكرها ونرصهم بالصنية الخاصة بالخبز (ندهنها زيت أو نضع في القعر رشة سميد حتى لا يلصق العجين)

ندخلها فرن حرارة 180 درجة حتى تنخبز ويحمر الوش (حوالي 20 دقيقة)

نرش على الوش خيوط من العسل لإعطاء لمعة للعجين وطعم لذيذ

أو ممكن كل كره نحشيها نغمس وشها بالزبدة السايحة ثم نغمسها بخليط من بودرة الثوم والجبنة البرميزان حسب الرغبة 

وألف صحة وهنا 

الوصفة موجودة مصورة على الـ IGTV 👀🎥👩🏻‍🍳

ام علي بالرقاق

طاجن أم علي بالرقاق الناشف

المكونات:

٣ حبات رقاق مكسرين ومحمرين بالفرن

لتر حليب سائل + ٢ علبة كريمة سائلة حمرا كي دي دي

م ص فانيليا

نص كوب سكر

٣/٤ كوب جوز هند

مكسرات حسب الرغبة (لوز - جوز- زبيب)

للوش:

علبة كريمة حمرا سائلة كي دي دي

٢ علبة قيمر

الطريقة:

في الطاجن الفخار كبير نضع نص كمية الرقاق المكسر ومحمر 

ثم نرش نص كمية المكسرات والجوز هند

ثم نضع القليل من الرقاقات المتبقية ونرش النص التاني من الجوز هند والمكسرات 

ثم نضع اخر كمية الرقاقات 

نغلي على النار الحليب مع الكريمة والفانيليا والسكر 

بس يغلي منسقي الطاجن بالحليب السخن كله 

ثم على الوش برش علبة كريمة سائلة وبعدين نضع علبتين قيمر (قشطه) ونوزعها علو الوش

ندخلها الفرن على حرارة ١٨٠ حتى تغلي ويتحمر الوش وبتكون جاهزة للتقديم وألف صحة وهنا على قلوبكم جميعاً 🌸❤️ فيديو مصور للوصفة موجود على الـ IGTV 👀🎥👩🏻‍🍳

طاجن فخار فريك وطاووق

طاجن فخار فريكة مع شيش طاووق 

المكونات:

اولا: الفريكة

٢ كوب فريكة منقوعين بالماء ساعة

بصلة كبيرة مفرومة ناعم

م ص بهار حلو

م ص مليانة كمون مطحون

كوب ونص مرقة دجاج او لحم او ماء مع ماجي

ملح حسب الرغبة (اذا لم نستعمل ماجي)

نقلي البصلة على النار بشوية زيت وبنزل فوقها الفريكة تتقلى معها وبرش البهار والكمون

ننقل الفريكة على الطاجن الفخار وبنزل فوقها المرقة وبدخلها الفرن على ١٨٠ درجة وبطل عليها بعد نص ساعة بالمعلقة من النص بعمل حفره اذا في مي برجع بدخلها ربع او تلت ساعة زيادة تتنشف المي وتكون الفريكة نفسها استوت

بقليلها للوش لوز وبزينها

ثانياً: شيش طاووق مشوي بالفرن

٦ صدور دجاج نظيفة ومقطعة مكعبات

٢ علبة مشروم (فطر)

بهارات حسب الرغبة

خردل 

ملح

حامض

ثوم

زيت

سياخ خشب للشوي

منتبل الدجاج والمشروم من قبل بليلة وبعدين منشكها بالسياخ ومندخلها الفرن على ١٨٠ درجة تقريبا ٣/٤ الساعة

وألف صحة وهنا على قلوبكن

الوصفة مصورة فيديو موجودة على الـ IGTV 👀🎥👩🏻‍🍳

البقلاوة التركية بالفستق

البقلاوة التركية بالفستق الأخضر

المكونات:

باكيت رقاقات عجينة الجلاش

فستق اخضر تركي مطحون

سمنه

قطر

لون طعام أخضر

الطريقة موجودة مصورة على الـ IGTV 👀🎥👩🏻‍🍳

مسخن رولز

مسخن رولز (لفائف المسخن) 

المكونات:

بصل

دجاج صدور مقطع

رشة بهار حلو

رشة جوزة الطيب

ملح أو مكعبات ماجي

مرقة سلق الدجاج

كوب سماق

زيت زيتون

رقاقات مثلثة أو مربعة حسب النوع المعتاد استخدامه

طحين وماء للزق عجينة الرولز 

الطريقة موجود مصورة بالفيديو على الـ IGTV

صنية كرات البطاطا بالدجاج

صنية كرات البطاطس مع الدجاج والخضار 

المكونات: 

الطبقة الأولى خلطة الدجاج:

6 صدور دجاج مخلية مقطعة صغير

بهارات نص ملعقة صغير من (بهار حلو – كركم – بودرة بصل – زنجبيل – فلفل حار أحمر – بهارات مشكلة)

ملح حسب الرغبة

2 م ص ثوم مفروم

كوب ذرة مسلوقة

2 جزر مبروش

4 بصل مقطع جوانح 

الطبقة الثانية كرات البطاطا:

2 كيلو بطاطا مسلوقة ومهروسة

بهارات نص ملعقة صغيرة من (بهار حلو – بهارات بطاطا بنكهة البيتزا – فلفل أسود)

كيس جبنة موزاريلا 180 جرام

3 ملعقة كبيرة جبنة كبايات (جبن كريمي) 

الطبقة الأخيرة الصلصة:

4 ملاعق كبيرة جبنة كبايات

2 كوب كريمة سائلة الحمرا كي دي دي

2 علبة قيمر (قشطة)

1 م ص ثوم مفروم

2 م ص زعتر أوريغانو

جبنة موزاريلا للوش 

الطريقة موجودة مصورة بالفيديو على الـ IGTV

بسبوسة الحلبة

بسبوسة الحلبة

المكونات:

٣ م ك حلبة (ننقعها بماء دافي ليلة كاملة ونغير الماء ٣ مرات)

٢ ١/٢ كوب ماء لغلي الحلبة

٢ ١/٢ كوب سميد ناعم أو متوسط

١/٤ كوب زيت زيتون

١/٤ كوب زيت ذرة

١/٢ كوب طحين

٢ م ك سكر 

١ م ص خميرة

١/٢ م ص بيكنج باودر

١ م ك حبة البركة

١ م ك سمسم

١ م ك يانسون مطحون

١/٢ م ص ملح

نضع الحلبة بعد تصفيتها 

٣/٤ كوب ماء مغلي الحلبة

القطر:

٣ كوب سكر

٣ كوب ماء

عصرة حامض 

نص فنجان قهوة ماء زهر

فيديو مصور للطريقة موجودة على الـ IGTV 👀🎥👩🏻‍🍳

فتة دجاج بمتبل الباتنجان

فتة الدجاج بالباتنجان المتبل

المكونات: 

٦ صدور دجاج مخلية (مسلوقة ومقطعة)

كوب ونص مرقة سلق الدجاج

٤ باذنجان كبير مقطع مكعبات 

رذاذ الطبخ لرش الباتنجان

٣ رغيف خبز اسمر مقطع مكبات ومحمر بالفرن

٣ علب لبن روب

عصير نص حامضه

نص راس ثوم مفروم

نص كوب طحينة سمسم

ملعقة ملح او حسب الرغبة

أصبع زبدة ١٠٠ جرام

٢ م ك صنوبر

بقدونس مفروم للتزيين 

الطريقة مصورة بالفيديو على الـ IGTV 👀🎥👩🏻‍🍳

سمكه حره بالتونا

تونا على طريقة السمكة الحرة

المكونات:

٤ بصلات مفرومين

٧ علب تونا متصفيين من الزيت

م ص بهار حلو 

م ص كزبره ناشفه مطحونة

فلفل شطه حار حسب الرغبة

ملح حسب الرغبة

راس ثوم مفروم

باقة كزبرة خضرا مفرومة

عصير حامضة ونص (او حسب الرغبة)

الطريقة مصورة موجودة على الـ IGTV 👀🎥👩🏻‍🍳

لوبيا بالزيت

لوبيا بالزيت 

المكونات:

2 كيس لوبيا خضراء

2 بصل مفروم ناعم

3 حبات بندورة + كوب ماء (لعمل الصلصة)

2 مكعب ماجي (أو ملح حسب الرغبة)

ملعقة صلصة كبيرة مليانه

ماء لغمر اللوبيا مع الصلصة

3 بندورات مفرومين مكعبات

8 حصوص ثوم مفروم ناعم 

الطريقة مصورة فيديو على الـ IGTV 👀🎥👩🏻‍🍳

رز بسمتي مفلفل

رز بسمتي مفلفل مع شعيرية

المكونات:

كوب شعيرية 

٢ كوب رز بسمتي

٣ ١/٢ كوب ماء (نفس الكوب المستخدم لقياس الرز)

٣ مكعبات ماجي

الطريقة مصورة على الـ IGTV 👀🎥👩🏻‍🍳

اطيب براونيز

.

براونيز

المكونات: 

٢ كوب سكر

١ كوب زبدة سايحة مبرده

٤ بيضات كبار بحرارة الغرفة

م ك فانيليا سائلة

كوب بودرة شوكولاته خام منخول

كوب طحين منخول

نص م ص ملح

نص م ص بيكنج باودر 

الطريقة مصورة بالفيديو على الـ IGTV 👀🎥👩🏻‍🍳

كساديا بيض وجبنة ومرتديلا

.

كساديا بيض ومرتديلا وجبنة

عشوة سريعة وطييييييبة 😋😋 المكونات:

تورتيلا

بيض

اَي نوع مرتديلا بتحبوها

بهار حلو

ملح

جبنة موزاريلا

زبدة 

الطريقة مصورة بالفيديو على الـ IGTV 👀👩🏻‍🍳🎥

نجريسكو

نجريسكو

المكونات:

٦ حبات صدور دجاج مسلوقة مقطع

كوب مشروم مقطع

بهار حلو - بودرة زنجبيل - بودرة بصل

كيس معكرونة پيني (قلم)

٢ باكيت بشاميل ماجي

الطريقة شوفوها مصورة على الـ IGTV 👀👩🏻‍🍳🎥

فول

فول لبناني 

٣ علب فول

٦ حصوص ثوم

عصير حامضة

م ص ممسوحة ملح

زيت زيتون للوش

طحينة حسب الرغبة

الطريقة مصورة بالفيديو على الـ IGTV 👩🏻‍🍳🎥👀

فطاير القرفة

فطاير القرفة 

المكونات لعجينتنا المعتمدة:

٤ أكواب دقيق

٤ م ك حليب بودره

م ك سكر

م ك بيكنج باودر

م ك خميرة فورية 

ربع م ص ملح

علبة زبادي ١٧٠ جرام

ربع كوب زيت 

كوب ماء فاتر

للحشوة نحتاج زبدة سايحة وقرفة مطحونة مع سكر بودرة

الطريقة:

في وعاء نخلط السكر والخميرة والماء الدافي ونتركهم ١٠ دقايق يتخمرو

بعد التخمير نضيف باقي المواد السائلة الزبادي والزيت ثم المواد الجافة ونعجن المكونات جيدا وندهن العجينة شوية زيت ونغطيها ونتركها ترتاح نص ساعة. نبدأ نشتغل فيها نفردها ثم ندهنها بالزبدة باستخدام فرشاة ونرش عليها سكر بودرة وقرفة بودرة بعدين نلفها رولز ونقطعها او متل الصورة انا لفيتها وآخر طرفها بالسكينة قطعت خطوط وكملت لفها متل الرولز وبعدين لفيتها على حالها دائرة مقفولة... وآخر شي تدهني الوش بالحليب السائل ونضعها في الفرن على حرارة ١٨٠ تقريبا ٢٠ الى ٣٠ دقيقة حسب فرنك تيكون تحمر الوش وصحتين 😋😋

يخنة بازيلا وجزر

بازيلا وجزر باللحمة

المكونات:

٣ كياس بازيلا وجزر مثلجة (ماركة بسمة الأفضل)

نص كيلو لحمة شقف راس عصفور

نص راس ثوم مفروم

نص باقة كزبرة خضراء مفرومة

م ص بهار حلو 

ملح حسب الرغبة

الطريقة:

في طنجرة نضع شوية زيت وبنزل اللحمة بقليها منيح وبعدين نضع البهار والملح

ثم نضع لترين ماء مغلي فوق اللحمة ونتركها تغلي على نار متوسطة حتى تستوي ويقل الماء حتى يصبح متبقي حوالي كوب ماء وتكون اللحمة استوت وصارت طرية

ثم نقوم بوضع لتر ماء مغلي مرة اخرى وقوم بغسل البازيلا والجزر ونضعها فوق اللحمة

يجب ان يكون الماء بمستوى البازيلا والجزر ليس اكثر

نتركه على نار متوسطة حتى يغلي الماء ثم نخفف النار ونتركه ٣/٤ الساعة حتى يستوي البازيلا والحزر

نكون مجهزين الكزبرة والثوم نقليهن بشوية زيت ثم بنزلهم فوق البازيلا والجزر

بتركهن يغلو سوى خمس دقايق وبطفي النار

هيك طبختنا جهزت ونعمل جمبها رز

وصحة وهنا على قلوبكم 🌸😋☺️

كبة خاروف بدبس الرمان

كبدة خاروف بدبس الرمان

المكونات:

٢ كيلو كبدة

٥ بصلات مفرومين ناعم

م ص بهار حلو

نص م ص من كل من (زنجبيل-حر احمر-بودرة بصل)

ملح حسب الرغبة

نص فنجان شاي دبس الرمان

الطريقة موجودة بفيديو مصور على الـ IGTV 👀🎥👩🏻‍🍳

كفتة رز

كفتة الرز 

المكونات:

كيلو لحمة مفرومة ناعم

2 كوب رز مطحون ناعم

2 بصل وسط مقطعين

8 حصوص ثوم شرايح

2 كوب خضار مفروم (بقدونس – كزبرة – شبت) – فريش او مثلج

ملعقة صغيرة من كل من (بهار حلو – بودرة بصل – ملح)

نص ملعقة صغير من الزنجبيل البودرة – ومن جوزة الطيب مطحونة – ومن بهار حر 

نخلطهم سوى ونطحنهم ونشكلهم صوابع أو قراص ونقليهم بشوية زيت 

تتقدم مع بطاطا مقلية أو نطبخها مع صلصة على الطريقة اللي بتحبوها ونقدمها مع رز 

الطريقة مصورة فيديو موجودة على الـ IGTV 👀🎥👩🏻‍🍳

بيتزا رهيبة

بيتزا 🍕🍕 المكونات: 

أولاً العجينة:

4 كوب طحين

4 م ك حليب بودرة

1 م ك سكر

1 م ك بيكنج باودر

1 م ك خميرة فورية

نص م ص ملح

علبة لبن روب (زبادي) 170 جرام

ربع كوب زيت

كوب ماء فاتر 

ثانياً صلصة البيتزا:

6 حصوص ثوم مفرومين

3 علبة صلصة

لكل علبة صلصة كوب الى كوب ونص ماء

3 م ك كتشب

2 م ك سكر

3 مكعبات ماجي

م ك زعتر أوريغانو

صلصة حر أحمر اَي نوع متوفر حسب الرغبة 

الطريقة في فيديو مصور على الـ ‪IGTV‬ 👀🎥👩🏻‍🍳

كيك زعفران وهيل

كيكة الزعفران والهيل

المكونات:

4 بيضات كبار

2 كوب سكر

1 ملعقة كبيرة فانيلا

١/٢ م ص هيل مطحون

3 كوب طحين

نص ملعقة صغيرة بيكنج باودر

نص ملعقة صغيرة كربونات الصودا

1 ملعقة صغيرة ملح

1 كوب زبدة (2 أصبع كل واحد 100 جرام)

١ ١/٢ كوب حليب منقوع فيه ملعقة صغيرة زعفران صحيح ونص ملعقة صغيرة بودرة صفار الزعفران

الطريقة للتطبيق موجودة على الـ IGTV 👀🎥👩🏻‍🍳

دجاج مشوي مع قرع

دجاج مشوي مع القرع

المكونات:

١٠ انصاف صدور #دجاج (نقطعهم بالعرض كل صدر ينقسم شريحتين)

٣ كوب قرع مقطع مكعبات

بهارات نص ملعقة من كل من التاالي(بهار حلو-زنجبيل-بودرة بصل-كركم-بهارات مشكله للدجاج-رشة حر احمر)

م ص روز ماري

ملح حسب الرغبة

علبة لبن روب (زبادي)

نص فنجان شاي زيت زيتون

٢ م ص ثوم مهروس

الطريقة:

بعد تقطيع الدجاج شرايح وغسله جيدا بالخل والملح والماء نضعه في طبق كبير وتضع معه مكعبات القرع ثم نقوم بوضع البهارات والملح والزيت والثوم واللبن روب 

نخلطهم سوى جيدا ونتركهم بالتتبيلة في الثلاجة لمدة ساعتين ثم نقوم بوضع الدجاج والقرع في صنية الفرن ونغطيها بورق القصدير وندخلها الفرن لمدة ساعة على حرارة ٢٠٠... وصحتين

فيديو مصور للوصفة موجود على الـ IGTV 👀🎥👩🏻‍🍳

متبل باتنجان

متبل باذنجان 

ما في أطيب من المتبل #باذنجان مع المشويات

المكونات:

٥ حبات باذنجان كبار 

نص راس ثوم مهروس

نص كوب طحينة (الزيادة حسب الرغبة وحسب السماكة المطلوبة)

٣ حبات حامض معصورين (حسب الرغبة)

م ص ملح (حسب الرغبة)

علبة لبن روب-زبادي (اختياري)

الطريقة:

نعمل فتحات بالباذنحان باستخدام السكينة وندخل الباذنجان على الفرن بالصنية مشان نشويهن او نشويهن على عين الغاز من فوق

بعد ما نشويهن منسقطهن بكاسه كبيرة فيها ماء

نقوم بتقشيرهم جيدا وطحنهم بالبلندر او الخلاط او باليد

نضع فوقه الثوم والطحينة والحامض

والملح ونخلط جيدا واي إضافات تتم في هذه المرحلة سواء حامض زيادة او ملح حسب الذوق والطحينة حسب السماكة اللي بتحبوها

بس يصير الطعم متل ما بتحبوا هيك منكون خلصنا ومنسكبه بصحون ويتقدم مع المشويات او كمقبلات مع اَي أكله بتحبوها...صحتين

فيديو مصور موجود على الـIGTV 👀🎥👩🏻‍🍳

لحمة مشوية فحم

لحم مشوي (تكا)

من فترة كنت حطيت تتبيلة اللحم المشوي

هالمره في فيديو مصور على الـ IGTV 👀🎥👩🏻‍🍳 تتبيلة اللحمة المشوية:

٣ كيلو لحمة شقف للشوي من اللحام

نص كيلو ليه شقف (دهن الخاروف)

٢ علبة صلصة كي دي دي 

١ ١/٢ ملعقة صغيرة ملح

١ ١/٢ ملعقة كبيرة بهار حلو

٢ ملعقة كبيرة خل (مشان تكون طرية)

نص فنجان شاي زيت نباتي

بندورة صغير

مشروم كامل للشوي

بصل مقطع رباع 

الطريقة:

نضع اللحمة في طبق كبير ونضع فوقها كل المكونات ونخلطهم سوى جيدا

نغلف الطبق بالنايلون ونتركه بالتتبيلة لمدة ٣-٥ ساعات اى لتاني يوم

وقت الشوي منشك اللحمة بالسياخ مع بصل وبندورة صغار ومشروم واللية ومنشويها على الفحم لغاية ما تستوي متل ما بتحبوها 😋😋وصحتين على قلبكم 💞🥰

حلو طبقات الكريم كراميل

.

حلو الكريم كراميل 

المكونات:

خليط الكريمة الفانيليا:

علبة كيك فانيليا جاهزة

4 علب قيمر (قشطة)

4 كيس دريم ويب (كريم شانتيه)

4 علب كريم كراميل (كيس البودرة + السكر الكراميل)

4 ملاعق كبيرة جبنة كبايات

2 كيس جيلاتين شفاف 

خليط الكريمة الشوكولاته:

علبة كيك شوكولاته جاهزة

4 علب قيمر (قشطة)

4 كيس دريم ويب (كريم شانتيه)

4 علب كريم كراميل (كيس البودرة + السكر الكراميل)

4 ملاعق كبيرة جبنة كبايات

4 ملاعق صغيرة مليانين من بودرة الكاكاو الخام (بدون سكر)

2 كيس جيلاتين شفاف 

ملاحظة: لو بتحبو الكيك يكون طري ممكن تسقية الكيك بعد رصه في الصنية بالقليل من الحليب حسب الرغبة 

لتزيين الوش أي نوع شوكلاته – أنا استعملت شوكولاتة فليك كسرتها وصلصة الشوكولاته للتزيين 

الطريقة:

أول شي في طبق بايركس نرص شرايح من الكيك الفانيليا وبالخلاط نضرب كل مكونات خليط الكريمة الفانيلية جيداً حتى تمتزج ونضعها طبقة فوق شرايح الكيك

ثاني شي نضع الطبقة الثالثة شرايح الكيك الشوكولاته وبالخلاط نضرب مكونات خليط الكريمة الشوكولاته جيداً حتى تمتزج ونضع طبقة أخيرة فوق شرايح كيك الشوكوته

نكسر شوكولاته فليك ونزين فيها الوش وبصلصة الشكولاته كمان ممكن نعمل تزيين للوش حسب ما بتحبو

ندخل الحلو للبراد حوالي 3-4 ساعات حتى يتماسك وبعدين منقدمه ... وصحتين على قلوبكم 

فيديو مصور للوصفة موجود على الـ IGTV 👀🎥👩🏻‍🍳

ملوخية مفرومة

ملوخية مفرومة

المكونات:

٢ راس بصل مفروم

٣ حصوص ثوم مفرومين

٣ مكعبات ماجي

٩ أكواب ماء (لكل كيس ملوخية ٣ كوب ماء)

٣ كياس ملوخية (افضل نوع بسمه)

م ص بيكربونات الصودا

نص إصبع زبدة (٥٠ جران)

نص باقة كزبرة صغيرة مفرومة

م ص مليانة كزبرة ناشفة مطحونة

راس ثوم مفروم

الطريقة:

بشوية زيت بالطنجرة نضع البصل مع ٣ فصوص ثوم المفرومين ندبلهم على النار 

بعد ما يدبلوا بنزل مكعبات ماجي والماء بترك المرقة حتى تغلي اول ما تغلي بنزل كياس الملوخية فوقها وبرش ملعقة كربونات الصودا مشان تحافظ على لونها الأخضر

بحرك الملوخية مع المرقة جيدا واتركها تغلي 

لما تبدى تغلي بشيل الرغوة من على الوش

خلال هالوقت بكون بمقلاية صغيرة سيحت الزبدة وحطيت الكزبرة الخضراء ورأس الثوم المفرومين مع الكزبرة الناشفة بقلبهن على النار وبس يدبلوا بنزلها فوق طنجرة الملوخية

بتركها تغلي دقيقة وبطفي النار تحتها وبسكبها

صحتين 🤗😍 فيديو مصور للوصفة موجود على الـ IGTV 👀🎥👩🏻‍🍳

سلطة الخيار باللبن

سلطة خيار باللبن

المكونات:

٦ خيارات مفرومين ناعم او مبروشين

٥ حصوص ثوم مفرومين

٨ علب لين روب (زبادي)

ملح حسب الرغبة

م ك نعنع ناشف مطحون

لتزيين الوش نعنع ناشف وممكن اضافة زيت زيتون حسب الرغبة

الطريقة:

نضع الخيار ثم الثوم ثم اللبن والملح ونخلط جيدا ثم نضيف النعنع ونخلط ونسكب بصحون صغيرة ونزين الوش بالنعنع وممكن زيت زيتون وأحلى عشا خفيف وصحي صار جاهز...صحتين 😋😋 فيديو مصور للوصفة موجود على الـ IGTV 👀🎥👩🏻‍🍳

رز السمك

رز أحمر بالصلصة للسمك

المكونات:

٤ بصلات صغار مفرومين

٢ علبة صلصة كي دي دي

٥ فصوص ثوم شرايح

٢ م ص كمون

٢ م ص ملح

٤ كوب رز بسمتي

لكل كوب رز كوب ونص ماء

الطريقة:

بالطنجرة نضع شوية زيت ونقلي البصلات لحتى يدبلوا

بنزل فوقهن الصلصة والثوم يتشوحوا على النار

بضيف الكمون والملح

ثم نضع الماء ويكون المعيار بنفس الكباية المستخدمة لقياس الرز

نترك النار عالية حتى تغلي الصلصة اول ما تبدء بالغليان بنزل الرز وبحرك وبغطي الطنجرة وبخلي النار عالية تغلي مع الرز لمدة دقيقتين

ثم نخفف النار ونترك الطنجرة متغطية

ونقلب الرز مره ونتركها حتى تتشرب الماء على نار هادية حوالي ١٠ دقايق ونقلب لو لقينا كل الماء راح نطفي النار ونخلي الطنجرة مسكرة يستوي الرز اكتر على البخار وهيك بيكون صار جاهز والف صحة وهنا

فيديو مصور للوصفة موجود مع وصفة السمك المشوي على الـ IGTV 👀🎥👩🏻‍🍳

سمكات مشويين

سمك مشوي

المكونات:

٢ سمكة كبار للشوي (انا استعملت نويبي كبير)

شرايح جزر وحامض للتزيين

كاسه مخلوط فيها ٢ ملعقة صغيرة من كل من: (بهار حلو وملح وكزبرة ناشفة) لرش السمك وتبهيره

٣ راس ثوم 

بهارات خلطة الحشوة ملعقة صغيرة ممسوحة من كل من (بهار حلو- كزبرة ناشفه مطحونة- فلفل حار - كمون - بودرة بصل - ملح)

باقة كزبره خضراء مفرومة

عصير ٢ حبة حامض

نص فنجان شاي زيت نباتي

الطريقة:

بعد غسل السمك جيدا نقوم برشه من مل الجهات ومن الداخل من خلطة البهار والملح والكزبرة ونتركه ساعة يتبل وياخد من ريحة البهارات

بالخلاط نفرم الثوم مع الكزبرة الخضراء وباقي البهارات  والملح وبضيف فوقهن الحامض والزيت 

نقوم بحشي السمك من الداخل بخلطة الثوم ومن بره الجهة الخارجية 

ثم نزين السمك بشرايح الجزر والحامض او التفاح الأخضر 

ندخلها الفرن على حرارة ٢٠٠ لمدة ساعة ونطلعها ونعمل جمبها رز السمك بالصلصة الحمراء ... تابعوني رح نزل طريقة الرز الاحمر بالصلصة مع السمك

فيديو مصور للسمك المشوي والرز الأحمر بالصلصة على الـ IGTV 👀🎥👩🏻‍🍳

بطارخ مشوية

بطارخ السمك مشوية

المكونات: 

بطارخ تقريبا كيلو

م ص بهار حلو

م ص ملح 

م ص كزبرة ناشفه مطحونة

نص فنجان شاي زيت زيتون

الطريقة: 

نغسل البطارخ بالماء والخل ونصفيهن

نضعهم في طبق ونضع معهم البهار والملح والكزبرة والزيت ونخلطهم جيدا

نرصهم في صنية الفرن وندخلهم الفرن على درجة ٢٠٠ لمدة ٤٥ دقيقة ونطلعهم

ممكن نعمل جمبهن سلطة ورز ولا اطيب

فيديو مصور للوصفة موجود على الـ IGTV 👀🎥

سلطة تونا بالبطاطا

سلطة التونا بالبطاطا

المكونات:

كيلو بطاطا مسلوقة ومقشرة

٦ علب تونا منصفيها من الزيت

باقة بصل اخضر مفروم (حوالي ٧ بصلات)

باقة زعتر اخضر مفروم

خس مفروم (خسه كاملة)

٢ م ك خردل 

م ص ملح (حسب الرغبة)

م ص بهار

عصير حامضه

نص فنجان شاي زيت زيتون

الطريقة:

نضع البطاطا المسلوقة والتونا سوى ونهرسهم بالهراسة اليدوية لحتى ينخلطو سوى ويصيرو قطع صغيرة جدا

نضيف الخضار المفروم ثم الخردل والبهار والملح ونخلطهم سوى جيدا

نسكب بصحون ونرش عليها زيت زيتون حسب الرغبة وألف صحة وهنا

فيديو مصور للوصفة موجود على الـ IGTV 👀🎥

محاشي

.

محاشي

ورق عنب وكوسا وملفوف

المكونات للحشوة:

٥ بصلات كبار مفرومين ناعم

٢ كوب خضار مفروم (بقدونس وكزبره خضرا وشبت- عادة بفرمهم وبخلي منهم في الفريزر خلطة مكونة من ١٠ بقدونس ٢ كزبره و ٥ شبت)

٥ حبات بندورة (طماطم) مفرومين صغير

٣ مكعبات ماجي

بهارات (م ص بهار حلوة - نص ملعقة صغيرة من كل من الزنجبيل والبصل البودرة والكركم والبابريكا وربع ملعقة صغيرة من كل من الكمون والشطة الحمرا)

علبة صلصة صغيرة كي دي دي

نص فنجان قهوة صلصة التمر هندي

نص فنجان قهوة دبس الرمان 

٤ أكواب رز مصري مغسول ومتصفي

ونحتاج مرطبان ورق عنب

ملفوفة كبيرة مسلوقة ومفتحين ورقها

٢ كيلو كوسا منقور

مكونات مرقة المحشي:

علبة صلصة كي دي دي

لتر ماء (٤ أكواب)

نص ملعقة صغيرة بهار حلو

ملعقة صغيرة ملح

فنجان قهوة دبس رمان

فنجان شاي زيت زيتون

نعنع ناشف ناعم (لوش محشي الملفوف)

الطريقة:

طريقة الحشوة طبعا اهم شي وبعدين منستخدمها لنحشي اَي نوع خضار

بطنجرة نضع شوية زيت وبنزل البصل يتقلى تيدبل وبعدين بنزل الخضار المفروم وبس يدبل بنزل البندورة تتقلى معهن وبزيد الماجي والبهارات 

بس يتسوى الخضار بنزل الصلصة ثم التمر هندي ودبس الرمان وبترك الخلطة تنطبخ سوى ١٠ دقايق وبعدين بنزل فوقهن الرز ويخفف النار وبخلطهم سوى جيدا وبغطي الطنجرة وبتركهن ربع ساعة مشان الرز ياخد ربع الى نص استوى من ماء الخضار وبعدين بطفي النار وبترك الحشوة تبرد

بس تبرد الحشوة ببتدي احشي الكوسا والورق عنب والملفوف وبقعر الطنجرة بحط شرايح بندورة وبصل (ممكن بطاطا) وبرص الورق عنب والكوسا سوى وبطنجرة تانية نضع في القعد شرايح الملفوف القاسية اللي شلناها وبرص فوقها الملفوف

بخلط مكونات المرقة سوى وبحط فوق الطنجرتين

بحط الطنجرة على نار قوية وبغطيها لغاية ما تغلي بنقلها على العين الصغيرة على نار خفيفة تتسوى على نار هادية لساعتين او ثلاث ساعات وبطفي النار تحتهن

الملفوف قبل ما أطفئ النار بنص ساعة برش على الوش نعنع ناشف وبغطيها وبعدين بطفيها

وهيك المحاسب صارت جاهزة لأحلى متابعين...تفضلوا معنا وألف صحة وهنا

فيديو مصور لخطوات الوصفة موجود على الـ IGTV 👀🎥

هريس الشوفان بالدجاج

هريس الشوفان بالدجاج

المكونات:

٤ بصل وسط مفرومين ناعم

٤ صدور دجاج مسلوقين ومفتت شرايح صغيرة

م ص بهار حلو 

م ص قرفة مطحونة

١ م ص ملح (حسب الرغبة)

٢لتر ماء (٨ أكواب)

٢ كوب شوفان

تزيين الوش بالزبدة السايحة والقرفة

الطريقة:

بالطنجرة نضع شوية زيت ونقلي البصلات لغاية ما يدبلوا

بنزل فوق البصلات شرايح الدجاج والبهارات والملح وبحرك منيح يتقلوا دقيقة سوى بعدين بنزل الماء وبتركهن حتى يغلوا لمدة نص ساعة

وبنزل فوقهن الشوفان انا وعمحرك 

بخفف النار وبتركهن ٢٠ دقيقة يغلوا مع الشوفان 

بعدين بالخلاط اليدوي بطحن الهريس تيصير ناعم

نسكبهن بصحون ونحط على الوش زبدة سايحة او سمنة سايحة ورشة قرفة وصحتين لأحلى متابعين

فيديو مصور للوصفة موجود على الـ IGTV 👀🎥

جبنة بالخضار

جبنة بالخضار 

عشاء خفيف ولذيذ 

المكونات: 

٢ علبة جبنة فيتا او دومتي

٤ خيار مقطعين متل السلطة 

٤ طماطم مقطعين متل السلطة

زيت زيتون للوش حسب الرغبة

نعنع ناشف لتزيين الوش

الطريقة: 

في طبق عميق نضع الجبنة ونضع معها الخيار والطماطم ومنخلطهم سوى رح تلاحظو ان مرقة الطماطم رح ترخي الجبنة 

ممكن اتضيفوا بصلة خضرا مفرومة وفليفله خضرا حلوة بس انا لان ولادي بيحبوها بالخيار والبندورة بس خليتها بسيطة

اخر شي على الوش نرش النعنع الناعم وزيت الزيتون ونسكب منها ونأكلها مع خبز فريش وسخن ولا أطيب ❤️😍 فيديو مصور للوصفة موجود على الـ IGTV 👀🎥

نودلز صيني دجاج

نودلز الدجاج الصيني 

المكونات:

12 كيس نودلز ماجي (بدون أستخدام إضافات الكيس من بهارات أو زيت أو غيره)

6 صدور دجاج مسلوق

مرقة سلق الدجاج

نص راس ثوم مهروس

2 جزرة كبيرة مبروشه

واحدة حبة ملفوف وسط مفرومة

حزمة بصل أخضر مفروم

علبة كبيرة أناناس شرايح مقطعة قطع صغيرة + ماء الأناناس

بهارات نص ملعقة من كل من (زنجبيل – بهار حلو – بهار أبيض – بصل بودرة)

¾ فنجان شاي صلصة صويا معتدلة الملوحة

نص كوب صلصة سيسزونز ماجي (تعتبر بدل الملح ممكن نزيد حسب الرغبة وتعطي نكهة مميزة للأكل الصيني)

صلصة فلفل حار شطة

2 علبة مشروم شرايح

2 ملعقة كبيرة صلصة بندورة 

الطريقة:

بطنجة بحط شوية زيت وبنزل البصل الأخضر يتقلى تيدبل، بعدين بنزل الملفوف والجزر المفرومين، ثم الثوم المهروس، ثم المشروم

نضع البهارات فوق خلطة الخضار، وبس يدبل الخضار شوي بنزل الدجاج بعد تقطيعه إلى شرايح صغيرة ونخلطهم سوى

بنزل الصلصة وبنزل وراها 2 كوب من مرقة الدجاج مشان الخضار ينطبخ سوى وبتركهن على نار متوسطة ربع ساعة

نضع صلصة الصويا ثم صلصة السيزن (المقدار حسب الملوحة المرغوب فيها)

نبدأ بوضع النودلز فوق الخضار والدجاج

يبدأ النودلز مع بخار الخضار وماء الخضار يستوي ورح نحتاج حوالي كوب إلى كوبين أخرين من مرقة الدجاج مشان يستوي كل النودلز يتم إضافة المرقة بالتدريج للتأكد من الكمية حتى ما تعجن النودلز بزيادة

قمت بإضافة أول كوب من المرقة وحركة وتركت الطبخة على النار 10 دقائق وغطيت الطنجرة، ثم نخلط مرة أخرى للتأكد من أستوى النودلز، بالنسبة للكمية اللي طبختها أنا أحتجت كوب آخر مرة أخرى فاستخدمت ماء الأناناس عند اضافة الأناناس آخر شي تيضل فريش وضفت كمان صلصة الفلفل الشطة شيء بسيط لتعطي نكهة على النودلز.... تقديرك للماء حسب نوع النودلز وتشربه للماء ويكون استوى. 

هيك طبختنا خلصت وصارت جاهزة للتقديم ألف صحة وهنا.😋😋 فيديو مصور للطبخة موجود على الـ IGTV👀🎥

رافيولي بالدجاج

رافيولي مع الدجاج والمشروم 

المكونات:

علبتين رافيولي (كل علبة حوالي 300 جرام)

علبة مشروم مقطع صغير (معلب أو فرش)

4 قطع صدور دجاج مقطعة صغير

نص ملعقة صغيرة بهار حلو

نص ملعقة صغيرة زنجبيل

1 ملعقة صغيرة زعتر أوريغانو

ملعقة صغيرة ملح

2 ملعقة كبيرة صلصة

راس ثوم مهروس

2 علبة كريمة كي دي دي 

الطريقة: 

نسلق الرافيولي نص سلقة نفس طريقة سلق المعكرونة (في ماء مغلي مع شوية زيت ورشة ملح) بعد سلقها منصفيها

بطنجرة نضع شوية زيت ونزل راس ثوم مهروس نقلي بالزيت وبنزل معهن قطع الدجاج تتقلى منيح وبحط البهارات

بس يتقلى الدجاج بضيف المشروم المقطع يتقلى مهم تيدبل ونتركها على نار متوسطة تتقلى وتطلع ميتها

بس تطلع الماي من الدجاج والمشروم منضيف الصلصة والزعتر الأوريغانو وبتركها تغلي مع بعضها دقيقتين

نضيف الكريمة ونحركهن سوى ثم بنزل الرافيولي اللي سلقتها ومنخلطهم جيدا وبخفف النار تحت الطنجرة وبغطيها لمدة نص ساعة تستوي مع بعضها

وهيك بتكون جهزت الرافيولي معنا منسكبها ومنحط على الوش جبنة موزاريلا أو جبنة براميزان...وصحتين 😋

الوصفة مصورة فيديو موجودة على الـ IGTV 👀🎥

خبيزة

خبيزة 

المكونات:

8 بصلات كبار مفرومين ناعم

8 ضمات خبيزة مفرومين فريش أو مفرزين

1 ونص ملعقة صغيرة ملح

راس ونص ثوم مفرومين ناعم

ضمة كزبرة خضراء مفرومة ناعم

منزين الوش ببصل محمر او شرايح ثوم 

الطريقة:

بالطنجرة نضع شوية زيت ومنقلي البصلات تيدبلوا ثم نضع الخبيزة ونخفف النار لو كانت مثلجة لغاية ما يفك ثلجها وتنزل مع البصل أو لو كانت فريش بالحالتين لازم يصير لونها الأخضر غامق مايل للون الزيتي تتكون ستوت

بنزل فوقها الملح والثوم والكزبرة المفرومين وبتركها 5 إلى دقايق على النار الخفيفة وبطفي النار وبسكبها ونزين الوش... وصحتين 

الطريقة مصورة فيديو موجودة على الـ IGTV

خبيزة

خبيزة 

المكونات:

8 بصلات كبار مفرومين ناعم

8 ضمات خبيزة مفرومين فريش أو مفرزين

1 ونص ملعقة صغيرة ملح

راس ونص ثوم مفرومين ناعم

ضمة كزبرة خضراء مفرومة ناعم

منزين الوش ببصل محمر او شرايح ثوم 

الطريقة:

بالطنجرة نضع شوية زيت ومنقلي البصلات تيدبلوا ثم نضع الخبيزة ونخفف النار لو كانت مثلجة لغاية ما يفك ثلجها وتنزل مع البصل أو لو كانت فريش بالحالتين لازم يصير لونها الأخضر غامق مايل للون الزيتي تتكون ستوت

بنزل فوقها الملح والثوم والكزبرة المفرومين وبتركها 5 إلى دقايق على النار الخفيفة وبطفي النار وبسكبها ونزين الوش... وصحتين 

الطريقة مصورة فيديو موجودة على الـ IGTV

نقرات كوسا

.

نقرات الكوسا (لب الكوسا)

المكونات:

5 أكواب من لب الكوسا

5 بصلات وسط مفرومين ناعم

راس ثوم مهروس

نص فنجان قهوة نعنع يابس مطحون

ملعقة ملح صغيرة (حسب الرغبة)

ربع كوب دبس الرمان 

الطريقة:

بشوية زيت بالطنجرة منقلي البصلات لغاية ما يدبلو وبنزل فوقهن لب الكوسا وبخفف النار وبغطي الطنجرة لمدة نص ساعة، نرجع نطل على الكوسا اذا كان في مي كتير نتركها على نار قوية لتنشف المي

بس تنشف المي منضيف الثوم والنعنع ونحرك منيح، وأخر شي منضيف دبس الرمان ومنطفي النار تحت الكوسا وهيك بتكون جاهزة وألف صحة وهنا 

فيديو مصور للطريقة موجود على الـ IGTV

تكا مشوية فحم

.

لما كنّا بالشاليه بالعطلة شويتلهن لحمة تكا بتجنن

تتبيلة اللحمة المشوية:

٣ كيلو لحمة شقف للشوي من اللحام

نص كيلو ليه شقف (دهن الخاروف)

٢ علبة صلصة كي دي دي 

١ ١/٢ ملعقة صغيرة ملح

١ ١/٢ ملعقة كبيرة بهار حلو

٢ ملعقة كبيرة خل (مشان تكون طرية)

نص فنجان شاي زيت نباتي

الطريقة:

نضع اللحمة في طبق كبير ونضع فوقها كل المكونات ونخلطهم سوى جيدا

نغلف الطبق بالنايلون ونتركه بالتتبيلة لتاني يوم 

وقت الشوي منشك اللحمة بالسياخ مع بصل وبندورة صغار واللية ومنشويها على الفحم لغاية تستوي متل ما بتحبوها 😋😋وصحتين على قلبكم 💞🥰

قالب بيتزا قطع monkey bread

قالب قطع البيتزا Monkey Pizza

اليوم وصفتنا فكرتها أجنبية بس حلوة وسهلة 👍🏻

مممن نعتبرها قالب كيك مالح لذيذ وسريع للعشاء 

اسمها بالانحليش Monkey Pizza فكرتها قالب قطع بيتزا سموها بهالاسم لأن قطعها صغيرة وبتنسحب من القالب سحب 

المكونات:

أولا: العجين:-

٤ أكواب دقيق

٤ م ك حليب بودره

م ك سكر

م ك بيكنج باودر

م ك خميرة فورية 

ربع م ص ملح

علبة زبادي ١٧٠ جرام

ربع كوب زيت 

كوب ماء فاتر

ثانيا: خلطة البيتزا:- 🍕 🍕

باكيت بيبروني

٢ قص ثوم مهروس

علبة مشروم

بصل اخضر

زعتر اخضر

كيس جبنة موزاريلا

مرطبان كبير صلصة بيتزا جاهزة

الطريقة:

في وعاء نخلط السكر والخميرة والماء الدافي ونتركهم ١٠ دقايق يتخمرو

بعد التخمير نضيف باقي المواد السائلة الزبادي والزيت ثم المواد الجافة ونعجن المكونات جيدا وندهن العجينة شوية زيت ونغطيها ونتركها ترتاح تلت او نص ساعة.

منقطعها كرات ونصيب كل مره نفردها بالإيد على الطاولة بشكل طولي ونصير بالسكينة او قطاعة العجين نقطعها صغير .

منكون مجهزين خلطة البيتزا في طبق كبير نقطع كل المكونات البيبروني والبصل والزعتر والمشروم نحطهن مع الجبنة ونخلطهن منيح وبعدين نضيف صلصة البيتزا ونخلط سوى.

نضع قطع العجين الصغيرة بالتدريج فوق خلطة البيتزا كل شوي بحط وبخلط لغاية ما خلص العجين وتكون الخلطة كميتها ظاهرة اكتر مشان الطعم يكون أطيب.

بجيب اَي قالب كيك عندي بدهنه وبحط فيه العجينة بالخلطة متل قالب الكيك

وندخلها الفرن على حرارة ١٨٠ تقريبا ٣٠-٤٠ دقيقة حسب فرنك تيكون تحمر الوش وبس تطلع من الفرن نقلبها على صنية وبتكون جاهزة للتقديم وصحتين 😋😋

الطريقة موجودة بالخطوات بالـ IGTV 👀🎥

كشك باتنجان ايراني

كشك باذنجان ايراني

المكونات:

٤ حبات باذنجان كبار شرايح مقلية🍆🍆

راس ثوم مهروس

ملح حسب الرغبة

١ م ص بابريكا

١ م ص فلفل حار اسود 

كوب ماء

كوب ونص جوز مطحون

٢ بصلة كبيرة مفرومة

١/٢ فنجان قهوة نعنع ناشف

علبة لبن روب (زبادي)

نص علبة قشطة (قيمر)

للتزيين زيت زيتون وشرايح ثوم وبصل اخضر

الطريقة:

نضع الباذنجان المقلي في طنجرة ونضيف عليها الثوم والبهارات ونقلبهن منيح على النار ثم نضيف كوب الماء ونحرك جيدا ونتركهن ربع ساعة على النار الخفيفة ينطبخو

ببتدي اهرسهن بالهراسة اثناء طبخهن على النار وبتركهن ربع ساعة تانية

بمقلاية صغيرة بقلي البصل المفروم لحتى يصير لونه ذهبي وبضيف عليه النعناع الناشف يتقلى شوي معه وبطفي النار 

في كاسة كبيره نضع الجوز المطحون وبضيف عليه اللبن والقيمر ويخلط جيدا ثم نضيف عليهن خلطة البصل الذهبي بالنعناع 

بطفي النار تحت الباذنجان وبنزلهن مع خلطة الجوز وبخلطهن سوى منيح

نسكبهن بأطباق التقديم ونزينهن وصحتين 

هاي بدها خبز ايراني تيصير اطيب مع بصل اخضر 😋😋👌🏻👌🏻

الطريقة موجودة مصورة على الـ IGTV 👀📽

بطاطا بيوريه

بطاطا بيوريه

المكونات:

كيلو بطاطا مقشرة ومقطعة مكعبات مسلوقة

١/٢ كوب حليب ساخن الى كوب حسب كيف بتحبوا رخاوتها

٣ م ك زبدة

رشة ملح حسب الرغبة 

رشة بهار أبيض

الطريقة:

منهرس البطاطا المسلوقة منيح وبطنحرة على النار نحط الزبدة تسيح وبضيف فوقها البطاطا ونحرك منيح 

منضيف الملح والبهار ومنحرك منيح ثم نضيف الحليب ومنحرك منيح ومنخفف النار لحتى تصير تغلي على الخفيف

نطفي تحتها النار ومنسكبها بطبق التقديم

وصحتين 👍🏻😋

عصير ليموناده وزنجبيل

عصير ليمونادة بالزنجبيل

المكونات:

٨-١٠ حامضات صغار خضر (بنزهير)

٤ شرايح عراض زنجبيل مقشر ومغسول

لتر ماء (٤أكواب)

نص كوب حليب سائل لكسر مرارة قشر الحامض

٣/٤ كوب سكر

نص فنجان قهوة ماء زهر

الطريقة:

بخلاط العصير نضع الحامض والزنجبيل والماء نخلطهم شوي وبعدين منزيد الحليب والسكر ونخلطهم جيدا

بمصفاية ناعمة منصفي العصير منيح ومنضيف ماء الزهر للعصير المصفى 

ونحطهن بأبريق العصير وصحتين 🍹🍹😋😋

فيديو موجود بالـ IGTV 👀📽

كستنه

كستنه (ابو فروة - كستناء)

نحتاج كستنه نوع كويس وأفضل نوع الكستنه التركية

نقطع كل حبة قطعين علامة اكس X 

تنقع الكستنه بالماء العادي لمدة ساعتين ثم نصفيها وندخلها الفرن تتشوى لغاية ما تتحمر ووتتفتح عن قشرها متل الفيديو

تقشيرها بيصير ولا أروع ولا أسهل من عيك وكمان بتكون طرية من رطوبة النقع مسبقاً وان شاء الله بتعجبكن...صحتين 😋😋👌🏻👌🏻

كوكيز الزنجبيل

.

كوكيز الزنجبيل

المكونات:

٢ وربع كوب طحين

٢ م ص زنجبيل بودرة

١ م ص كربونات الصودا

٣/٤ م ص قرفة مطحونة

١/٢ م ص كبش قرنفل مطحون (مسمار)

١/٤ م ص ملح

٣/٤ كوب زبدة سايحة

١ كوب سكر ناعم الحبيبات

١ بيضة

١ م ك ماء

١/٤ كوب دبس تمر أو دبس خروب 

٤ م ك سكر ناعم الحبيبات للمرحلة الأخيرة

الطريقة:

نقوم بخلط المواد الجافة كلها معا

وفي كاسه اخرى نخلط السكر والزبدة 

بصحن صغير نخلط البيضة مع ملعقة الماء ثم نضيفها فوق السكر والزبدة ونخلط جيدا

ونضيف عليهن كمية الدبس ونخلط جيدا

ثم نضيف خليط البيض والدبس والزبدة فوق المواد الجافة ونخلط جيدا حتى يمتزجوا ويكونو عجينة ناعمة

نحطها بكيس في الثلاجة لمدة نص ساعة او ساعة مشان تتماسك

نطلعها ونعمل كور بحجم حبة الجوز

نمرر الكور على السكر الخاص بالمرحلة الأخيرة ونرصها في صنية الفرن بينها ٢ إنش مسافات

ندخلها الفرن على ١٨٠ درجة لمدة ١٠ الى ١٢ دقيقة نطلعها تبرد ونحطها بعلبة تضل فريش

طيبين وريحتهن بتشهي 😋😋👍🏻👍🏻صحتين

الطريقة موجودة على الـ IGTV 👀👍🏻

رز محمر

.

رز محمر 

المكونات:

٣ أكواب رز مصري مغسول

نص فنجان شاي زيت

٣ كوب ونص ماء 

٣ مكعب ماجي او ملح حسب الرغبة

الطريقة:

نضع الزيت في الطنجرة يسخن وبنزل فوقه الرز وبضل بقلب بالرز على النار كأني عمحمر شعيرية لغاية ما لاقي اغلب الرز اخد لون ذهبي

لازم نستمر بالتقليب بياخد وقت مش متل الشعيرية

بعد ما يحمر الرز بنزل الماجي تفك وتتحمر شوي معهن وبعدين بنزل كمية الماء وبحرك جيدا

بخلي الطنجرة على نار عاليه وبغطي الطنجرة وبس تغلي المي بخفف على الآخر تحتها وبتركها تستوي على مهلها تيتفلفل الرز

بس الماي تنشف تماما بطفي تحت الطنجرة بس بخلي الطنجرة متغطية تيستوي الرز اكتر مع البخار 🍚 وهيك بيكون جاهز نأكله مع اَي طبخة خضار 🥕🥦🥬 رح نزللكن وصفتين خضار عملتهن جمبها... تابعوني 😋😋

شوربة خضار بالشوفان

.

شوربة الخضار بالشوفان 

كتير مفيدة وصحية وبتدفي مع هالبرد 🥶

المكونات:

١ بصلة وسط مفرومة 

٣ فصوص الثوم مهروسه

١ كاسة سبانخ فريش مفروم

١ بطاطا وسط مفرومة

١ جزرة وسط مفرومة

لتر ونص ماء

بهارات نص ملعقة صغيرة من (زنجبيل-بهار ابيض- بهار حلو - كمون) او حسب شو بتحبي بهارات للشوربة اهم شي الكمون

٢ مكعب ماجي أو ٢ م ك بهارات ماجي مع ملح حسب الرغبة

٤ م ص شوفان

الطريقة:

نقلي البصل والثوم بشوية زيت تيدبلو وبضيف السبانخ تتقلى معهن ثم البطاطا والجزر بس يتقلوا مع بعض بضيف الماء ثم البهارات والماجي وآخر شي بضيف الشوفان

بحرك منيح وبتركها على النار لحتى تغلي

اول ما تغلي بخفف النار وبغطيها تتسوى على نار هادية لمدة ٢٠ دقيقة بطفي النار وبسكبها بكاسات الشوربة 🍲 وبقدمها مع شبورة او اَي نوع كعك او ساليزون وصحتين 👌🏻😋

تصوير الوصفة موجود على الـ IGTV 👀

ساندويشات مسحب

.

ساندويشات مسحب دجاج بالشواية على طريقتي

المكونات:

عدد ٨ أنصاف صدور دجاج فيليه مسلوقه ومقطعة

٢ بصلة كبيرة مفروم

نص راس ثوم مفروم

ممكن اضافة ذرة او فلفل اخضر او مشروم حسب الرغبة انا حبيت تكون بسيطة 

بهارات نص معلقة صغيرة من كل من (زنجبيل بودرة-بهار حلو-بصل بودرة -ثوم بودرة-بهارات تندوري)

علبة كريمة حمرا كي دي دي

٢ ملعقة جبنة كريمي

كوب ونص جبنة موزاريلا

خبز توست او تورتيلا او صاح او اَي نوع خبز بتحبوا لعمل الساندويشات 

الطريقة:

نقلي البصل والثوم بشوية زيت تيدبلوا

نضيف الدجاج والبهارات ونقلب جيدا

هنا نضيف اَي خضار لو حابين انا خليتها بدون خضار نفس المسحب

نضيف الكريمة ثم الجبنة الكريمي ونحرك جيدا ثم الموزاريلا ونحرك دقيقتين على نار خفيفة ونطفي

نبدأ نفرد الحشوة بالخبز وندخلها الشواية تتحمر

نخرجها ونقطعها وصحتين وعافية 

فيديو الوصفة موجود على الـ IGTV 👀😋

كيك الفستق

.

كيكة الفستق 

المكونات: 

1 كوب سكر ناعم الحبيبات

2 م ك عسل

2 زبدة (كل واحد 100 جرام – اجمالي 200 جران أو كوب زبدة) بحرارة الغرفة

1 م ص فانيليا

نص م ص روح اللوز

5 بيض

1 ¾ كوب طحين

نص م ص بيكنج باودر

رشة ملح

ربع م ص لون أخضر food color

ثلثي كوب فستق مطحون

نص كوب كريمة حامضة

سكر بودرة وفستق مطحون لتزيين الوجه 

الطريقة:

بالخلاط نضع البيض والسكر والعسل والفانيليا ونخلط جيداً ثم نضيف الزبدة وروح اللوز ونخفق مرة أخرى ثم نضيف الكريمة الحامضة واللون الأخضر

بعد الخلط نقوم بإضافة المواد الجافة (رشة الملح – الطحين – البيكنج باودر – والفستق المطحون) نخفق على سرعة متوسطة دقيقتين

نقوم بصب الخليط في قالب مدهون ونخله الفرن على حرارة 180 لمدة 35 إلى 45 دقيقة حسب حرارة فرنك

نترك القالب يبرد ونقلبه في صنية التقديم ونرشه سكر بودره وفستق مطحون للتزيين وصحتين

سحلب

السحلب

مشروب الشتاء المميز 💞

المكونات:

م ك بودرة سحلب

٥ كوب حليب كامل الدسم

١ كوب سكر

١ م ص مسكة مطحونة

قرفة مطحونة لتزيين الوش

الطريقة:

في خلاط نقوم خلط كوب حليب مع السحلب لتفادي تكتل السحلب ثم نضيف باقي الأكواب ونضربها بالخلاط سوياً

ننقلهم الى طنجرة ونضعهم على النار ونضع السكر والمسكة ونستمر بالتحريك لغاية ما يتقل ويبدا بالغليان نطفي النار ونصبه بفناجين التقديم ونزين الوش بالقرفة او الفستق وصحتين 👌🏻👌🏻

مشروب الكاستر بحب الرشاد

مشروب الكاسترد بحب الرشاد

مشروب مميز للشتاء 🥶😋 المكونات:

٦ كوب حليب سائل

ربع كوب حب الرشاد

نص كوب سكر

١ ملعقة كبيرة بودرة كاستر (اذا بتحبوا شوي اتقل متل السحلب يبقى معلقة ونص كبار)

نص ملعقة صغيرة هيل مطحون

ثلث ملعقة صغيرة زعفران

الطريقة:

نضع كل المكونات معا في طنجرة على النار ونستمر بالتحريك حتى يغلي وبعد العليان نخفف النار على الآخر ونتركه تغلي لمدة ٣ دقايق وبعدين نطفي النار ونصب بفناجين ونزين الفنجان برشة فستق صغيرة وصحتين واتدفوا منيح مع هالمشروب المفيد...انتظروني مشان انشر فوايد حب الرشاد 👋🏻

نموره كاروهات

نموره كاروهات (بسبوسة)

المكونات:

٢ كوب سميد

١/٢ كوب سمنه

١/٢ كوب طحين

كوب لبن روب (زبادي)

١/٢ كوب سكر

م ص بيكنج باودر

علية قشطة كي دي دي

فستق للتزيين وحبوب لوز وورد بلدي مجفف

القطر:

٣ كوب سكر

٢ كوب وربع ماء

نقطة ليمون عند الغلي

بعد ما يغلي اتركيه عشر دقايق واتركيه يبرد

الطريقة:

نقوم بخلط المكونات الجافة اولا ثم تضيف المكونات السائلة ونخلطهم جيدا بتصير متل كأنها عجينة رخوة 

نقوم بدهن صنية كبيرة بالطحينة ونفرد الخليط بالصنية على ان يكون الارتفاع لا يتعدى ٢ سنتيمتر لان مع الخبز رح ترتفع شوي مشان ما تكون سميكة 

نفردها جيدا بالصنية ثم نوزع حبوب اللوز وبعدين نقص طرف صغير من علبة القشطة ونقوم بوضع القشطة بشكل خطوط طولية وعرضية مشان نعمل شكل مربعات

ندخلها الفرن على درجة ١٨٠ لمدة ٣٥ الى ٤٥ دقيقة حسب فرنك وحسب اذا بتحبوها تكون محمرة زيادة

بس نطلعها هيه وسخنة على طول منسقيها قطر يكون بارد حسب الكمية المرغوب فيها ودرجة  الحلى اللي بتحبوها انا سقيتها كوب كبير قطر (شربات-شيرا) وبس تبرد منزينها بالفستق المطحون والورد حسب ما منحب نزين وألف صحة وهنا

شعيرية صينية

.

شعيرية صينية بالمشروم 🇨🇳 المكونات:

كيس شعيرية عريضة

نص فنجان قهوة صلصة صويا معتدلة

صلصة ماجي تتبيلة seasoning (حسب الملوحه)

مشروم فريش علبتين يقطع شرايح او علبتين مشروم معلب شرايح

ماء يكفي لتغطي الشعيرية بالتمام دون زيادة

الطريقة:

نكسر الشعيرية ونضعها في طنجرة على النار 🔥🔥 مع شوية زيت مشان نحمرها 🍚 بعد ما تحمر نضيف المشروم ونقلب على النار سوى ثم نبدء بوضع الصلصات، اولا نضع صلصة الصويا ونقلب ثم نبدء بإضافة صلصة ماجي بكمية حوال فنجانين قهوة ونضيف الماء 💧 شوي شوي يغمر الشعيرية بدون زيادة وندوق الملوحة، لو احتاج ملح نزيد حسب الرغبة ونتركها على نار قوية ونغطيها وأول ما تغلي نخفف النار على الآخر لحتى تستوي الشعيرية متل طريقة طبخ الرز ومنطفي النار، وهيك بيكون جاهز وصحتين 👌🏻👌🏻😋😋

وافلز

.

الوافلز الحلو

المكونات:

٢/٣ كوب طحين

٣ م ك زبدة سايحة

٣ م ك سكر 

١/٢ كوب حليب

بيضة

١ م ص فانيليا

١ م ص بيكنج باودر

١ م ص كربونات الصودا

رشة ملح

الطريقة:

نخلط كل المكونات معاً وكون سخنا جهاز الوافز

نصب كل شوي حسب قالب الجهاز عندك ونتركه ينخبز تقريبا من ٥-٨ دقايق حسب حرارة الجهاز عندك...او ممكن قولب الوافلز ومندخلها الفرن لغاية ما تاخد اللون الذهبي على حرارة ١٨٠ درجة.. بس نخلص الخبز منضيف شو منحب من فواكه مع نوتيلا او ايس كريم اى غيره... وصحتين

برياني لحم طريقتي

برياني لحم على طريقتي

المكونات:

٦ بصل شرايح 

٣ علبة زبادي

ملح

بهارات صحيحة (ورق غار - عواد قرفة - حبوب هيل)

بهارات مطحونه نص معلقة من كل ما يلي (بهار حلو - هيل - قرفة - لومي - بهار حر - جوزة الطيب - كركم)

لحم شقف 

رز بسمتي ٦ كبايات 

شرائح بطاطا مدوره

ماء لغلي الرز

ماء ورد

صفار الزعفران

زعفران

الطريقة:

بالطنجرة بحط زيت وبقلي شرايح البصل مع البهارات الصحيحة تيدبل البصل وبحرك منيح ويبتدي حط الملح وبهاراتي المطحونة وبعدين بضيف اللبن روب عليهم وبحرك منيح وبتركهن يغلو 

بكون بهالوقت قليت اللحمة منيح وسلقتها مع البهارات لغاية ما تستوي وبصفيها

بمقلاية صغيرة بقلي شرائح البطاطا وبرصهن صف فوق خلطة البصل واللبن وبعدين بحط طبقة اللحمة فوق البطاطا وبخليهن على نار خفيفة وبخليهن ينطبخو شوي سوى مشان ياخدو من نكهة البهارات والبصل واللبن

والرز بحطه بالطنجرة مع ماي زيادة بكتير بخليه يغلي يستوي نص سوى (رز مشخول) وبصفيه وبحطه فوق الخلطة واللحمة بالطنجرة واقفل الغطا يستوي على مهله على نار خفيفة مع بخار الطنجرة

اخر شي بس الاقي حبة الرز طولت واستوت بكون مجهزة نص كوب ماء ورد مع زعفران منقوع فيها ومعلقة صغيرة صفار الزعفران بصفي المي الصفرا وبرميها بشكل عشوائي فوق الرز وبمعلقة كبيرة بقلب على خفيف طبقة الرز ببعضها تتنخلط الألون وبطفي النار وبقلب الطنجرة بصنية وصحتين... شي ولا بالخيال وهنا وعافية

ملك شيك شوكولاته

ملك شيك الشوكولاته

تحلاية لذيذة وسريعة لمحبي الشوكولاته

المكونات:

نص كوب حليب

٢ م ك ايسكريم شوكولاته

٤ مكعبات ثلج

١ م ك بودرة كريم شانتيي (دريم ويب)

١ م ك بودرة شوكولاته خام

للتزيين: كريم شانتي جاهز وصوص شوكولاته جاهز وأي أنواع شوكولاته للتزيين وويفر

الطريقة:

نضع المكونات بالخلاط ونخلطهم منيح حتى تصير سيولتها تقيلة شوي وإذا حسيته انها خفيفة زيدوا معلقة دريم ويب وإذا حسيتوها تقيلة زيدوا شوية حليب تتوصلوا للقوام متل قوام عصير المانجا والجوافة

بعدين نصب الملك شيك بالكوب ونزين الوش بالكريمة الجاهزة وبعدين بصلصة الشوكولاته وآخر شي اَي أنواع شوكولاته متوفره وهيك بيكون جاهز وصحتين

فتوش

فتوش

من أطيب وإشهر السلطات اللبنانية بعد التبولة طبعا 😋

المكونات:

٦ خيار

٦ بندورة

٣ فليفلة حلوة

٢ باقة بقلة 

باقة بصل اخضر

خسه صغيرة

نص راس ثوم مهروس

٢ م ص نعنع ناشف

بنص باقة نعنع طازه صغيرة

١ م ص سماق

ملح حسب الرغبة

٢ حامض معصور

نص فنجان شاي زيت زيتون

خبز مقطع ومحمص

دبس الرمان حسب الرغبة

الطريقة:

نفرم كل الخضار ونضعهم سوى في طبق كبير ونضيف الثوم والنعنع والسماق والملح والحامض والزيت وآخر شي الخبز ونخلطهن سوى منيح (ممكن تخلطه كل المكونات وتخلوا الخبز اخر شي يتزين فيه كل صحن بس انا بحب أخلطهن سوى) بعد خلطهم سوى نسكب بصحون وكل صحن منرش عليه شوية دبس الرمان وهيك بيكون جاهز...صحتين

كفته باللبن

كفتة باللبن

المكونات:

لكل لتر لبن خاثر

كوب ماء

ملعقة كبيرة نشا

الكفتة: خلطة لحمة وبقدونس وبصل وملح وبهار... بجيب الكفتة من اللحام بعملها صوابع او كرات صغار وبقليها وبشيلها على جنب... نحتاج إصبع زبدة (اختياري) 

وملح حسب الرغبة 

ورأس ثوم مهروس

وضمة كزبره خضرا مفرومة

الطريقة:

بطنجرة نضع مكونات اللبن ومنضاعف الكمية حسب الحاجة انا عملت ٢ لتر لبن وصفت المكونات الباقي حسب المعيار المذكور ونضع خليط اللبن والماء والنشا على النار ونحرك منيح بس يبتدي شوي يمسك بسقط الكفتة وبكون على جنب قليت بالزبدة كزبره خضراء مفرومة مع ثوم مدقوق وملح (اما عملت بدون الزبدة مشان قلل دهون) وبنزل الثوم والكزبره فوق اللبن وبحركهن وبتركهن يغلي غلوتين وبطفي النار وبسكبهن - نفس طريقة الشيشبرك بس بالكفته وصحتين طيبة كتيييير 😋

شيش طاووق فرن

طاووق مشوي بالفرن 

المكونات:

طاووق أمريكانا (أو صدور دجاج أو أوراك مقطعين مكعبات كبيرة)

علبة لبن روب (زبادي)

3 م ك خردل

فنجان قهوة زيت زيتون

راس ثوم مهروس

رشة ملح

بهارات (بهار حلو – زنجبيل – ثوم بودرة – بصل بودرة)

عصير حامض عدد 2

سياخ خشب للشوي

قطع مشروم كاملة

مكعبات بندورة (ممكن كمان فليفلة حلوة مكعبات) 

الطريقة:

نتبل الدجاج من قبل بيوم بكل المكونات (الروب – الزيت – الخردل – الحامض – الثوم – الملح – البهارات)

تاني يوم نطلعهم ونكون مجهزين البندورة والمشروم والسياخ ونبتدي نشك الدجاج والخضار بالسياخ بالتنسيق والترتيب اللي بتحبوه

نرص السياخ بصنية الفرن وندخلهن على فرن حرارة 180 لمدة ثلاث أرباع الساعة ونطلعهم ونقدمهم وصحيتن

كوكيز بقطع الشوكولاته

كوكيز بقطع الشوكولاته

Chocolate Chips Cookies 

المكونات:

نص كوب سكر عادي

¾ كوب سكر بني

1 م ص ملح

½ كوب زبدة سايحه

1 بيضة

1 م ص فانيلا

1 وربع كوب طحين

½ م ص بيكربونات الصودا

¾ كوب قطع الشوكولاته 

الطريقة:

تخلط الزبدة مع نوعي السكر جيداً ثم نضيف المكونات الجافة وبعدها نضيف البيض والفانيليا ونعجن العجين جيداً ثم نضيف قطع الشكولاته ونعجنها مع العجين حتى تمتزج داخلها.

نضع العجينة داخل كيس في الثلاجة لتبرد وتتماسك لمدة ساعة على الأقل، ثم نخرجها ونقوم بعمل كرات متوسطة الحجم ونضعها في صنية الفرن بمسافات متباعدة لأنها ستذوب وتفرد في الصنية على شكل دائري

أنا حطيت 6 حبيت بكل صنية ليس أكثر مشان الكوكيز تاخد راحتها بالحجم وما تلزق

ندخل صنية الفرن على حرارة 180 لمدة تتراوح بين 8 إلى 12 دقيقة حتى تاخذ لون ذهبي فاتح... حسب فرنك وحرارته رح تعرفي شو الوقت الأنسب لأن لو زاد الوقت رح تحمر زيادة ولما تبرد بتصير ناشفه شوي والوقت من 8 إلى 10 دقايق هوه الأفضل مشان تكون طرية Chewy... وصحتين على قلوبكم الغالية

فطيرة الدجاج تشكن باي

فطيرة الدجاج 

المكونات:

٦ حبات بصل مقطعين شرايح

٦ صدور دجاج مسلوق 

٢ كوب مشروم مقطع

٢ م ص قرفة

١ م ص بهار حلو

رشة ملح

٣ كياس صلصة بشاميل كنور (كل كيس ٢ كوب حليب)

٢ علبة عجينة باف باستري كل علبة ١٢ حبة

كيس كبير جبنة موزاريلا (او كيس صغير موزاريلا وكيس تاني شيدر مبشور)

بيضة مخفوقه مع رشة قرقة لدهن الوش

الطريقة:

ندهن صنية الفرن شوية زيت

عجينة الباف باستري نرصهن مربعات جمب بعض وبخشبة فرد العجين نفرد المربعات سوى مشان يلزقوا ويكونوا قطعة عجينة وحدة كبيرة مفرودة نقوم بوضعها في الصنية ويكون الزوائد بره الصنية مشان بعد وضع الحشوة نغطي بالزوائد

الحشوة: بشوية زيت بالطنجرة نضع شرايح البصل حتى تدبل ثم نقوم بتفتيت صدور الدجاج فوق البصل ونقلبهم سوى جيدا ونرش البهارات ورشة الملح وبنزل المشروم معهم يتسوى على النار وبكون مجهزة خلطة البشاميل وبنزلها فوق الدجاج واستمر بالتحريك حتى يتماسك الخليط

نقوم بصب خليط الحشوة في الصنية داخل العجينة ثم نقوم بتوزيع الجبنة المبشورة على الوش كله

بعدين نقوم بتغطية الحشو بضم زوائد العجينة على بعضها متل الغطا حتى تتغطى تماما

ونقوم بدهن الوش بالبيض والقرفة بالفرشاة

ندخلها على فرن ٢٠٠ درجة حوالي ساعة ثم نقوم بتحمير الوش اخر شي... وبالهنا والشفا 👌🏻👌🏻

حلو طبقات الكاستر والبسكوت

.

حلو طبقات الكاسترد والبسكوت

المكونات:

باستخدام بودرة الكاسترد الجاهزة

اولا: الكاسترد الأصفر

عادة كل علبة الكمية مكتوبة عليها بس رح أعطيكم كيف انا بسويها مع اضافاتي

لتر حليب سائل (٤ أكواب)

٣ ملعقة طعام بودرة كاسترد

٢ بيضة

١ ونص ملعقة صغيرة فانيليا سائلة

٤ ملاعق طعام سكر ولو بتحبوها حلو زيادة يبقى ٦ ملاعق

ثانيا: كاسترد الشوكولاته

نفس الكمية السابقة بس مع اضافة 

٣ ملاعق طعام مليانة بودرة شوكولاته خام

ونحتاج اَي نوع بسكوت شاي متوفر الأفضل بسكوت ماري او دايجستيف

نحتاج حليب سائل لتسقية البسكوت

الطريقة:

بالنسبة للكاسترد لكل نوع نخلط كافة المكونات المذكورة جيدا حتى يتجانس مع البيض ونضعه في طنجرة على النار ونستمر بالتحريك حتى يتماسك الكاسترد 

في طبق التقديم نقوم بتسقية قطع البسكوت بالحليب بس تغميسة واحدة ونشيلها ونرصها أول طبقة في صحن التقديم

ثم نضع الطبقة الثانية الكاسترد اَي واحد بتحبي يكون اول شي 

انا بدأت بالأصفر  ثم نضع طبقة ثالثة تكون بسكوت متسقي بالحليب ثم نضع نوع الكاسترد الثاني وانا ختمت بالشوكولاته وهيك بيكون خلص وندخله للثلاجة ليبرد على الأقل ٣ ساعات وبعدين بيكون جاهز للتقديم وصحتين ❤️

كالاماري مقلي

كالاماري بانيه (خثاق)

نفس طريقة الروبيان بانيه في البوست السابق بس باستخدام الكالاماري

المكونات:

كالاماري نضيف ومغسول

بيض مخفوق بالبهار ورشة ملح

بقسماط مخلوط معه البهارات اللي بتحبيها وملح (انا بكيس حطيت البقسماط ورشيت بهاراتي زنجبيل وبصل وثوم بودرة وبابريكا)

الطريقة:

نضع الكالاماري النظيف مع البيض المخفوق برشة البهار والملح ونخلطهم جيدا ثم نضعهم في مصفاة مشان يتصفى كل البيض الاضافي 

في كيس نقوم بوضع البقسماط مع البهارات ونخلطهم جيدا وبصير بحط قطع الكالاماري جوه كيس البقسماط شوي وبحركهم سوى منيح وبطلعهن وبقليهن وهيك لغاية ما نخلص الكمية كلها وصحتين... طبعا بحب وضح قبل كل شي انه مشان يكون الشكل النهائي متل المطاعم لازم الكالاماري بعد وضع البقسماط يوضع بالفريزر لتاني يوم ومنطلعه من الفريزر للقلي بالزيت الحار على طول بس الوقت عندي كان ضيق اضطريت قلي على طول ...وصحتين

روبيان بانيه مقلي

ربيان بانيه مقلي

المكونات:

روبيان جمبو مقشر ومغسول

بيض مخفوق بالبهار ورشة ملح

بقسماط مخلوط معه البهارات اللي بتحبيها وملح (انا بكيس حطيت البقسماط ورشيت بهاراتي زنجبيل وبصل وثوم بودرة وبابريكا)

الطريقة:

نضع الروبيان النظيف مع البيض المخفوق برشة البهار والملح ونخلطهم جيدا ثم نضعهم في مصفاة مشان يتصفى كل البيض الاضافي 

في كيس نقوم بوضع البقسماط مع البهارات ونخلطهم جيدا وبصير بحط من الروبيان جوه كيس البقسماط شوي وبحركهم سوى منيح وبطلعهن وبقليهن وهيك لغاية ما نخلص الكمية كلها وصحتين... طبعا بحب وضح قبل كل شي انه مشان يكون الشكل النهائي متل المطاعم لازم الروبيان بعد وضع البقسماط يوضع بالفريزر لتاني يوم ومنطلعه من الفريزر للقلي بالزيت الحار على طول بس الوقت عندي كان ضيق اضطريت قلي على طول ...بس طعم ولا ألذ 👍🏻

روبيان مشوي

.

روبيان مشوي بالفرن

المكونات:

ربيان حجم وسط او جمبو مقشر ومغسول وإذا بتحبي بقشره ممكن تخلي القشر ونمشي على نفس الخطوات

شرايح بصل

شرايح جزر او اَي خضار متوفر عندك

التتبيلة نفس خلطة تتبيلة السمك المشوي (الپوست السابق) وهي عبارة عن ثوم وبهارات وتمر هندي وملح وحامض وزيت زيتون

زيت زيتون اخر شي للخلط

الطريقة:

نضع الروبيان بعد غسله وتصفيته في صنية الفرن ونضع معها شرايح البصل والجزر ثم التتبيلة اللي تم عملها بالخلاط ومنضيف زيت زيتون ومنخلطهن سوى منيح ونتركهم بالتتبيلة لمدة ساعة بالبراد ثم ندخلهم الفرن على حرارة ١٨٠ مدة نص الى ثلاث ارباع الساعة وبيكونوا جاهزين للتقديم... وصحتين 👍🏻

سمك مشوي

سمك مشوي بالفرن

المكونات:

سمك نظيف ومغسول 

شرايح جزر وبصل

بهار حلو وملح لرش السمك 

تتبيلة السمك بالخلاط (ثوم - كزبره خضراء - رشة بهار حلو وبودرة ثوم وزنجبيل وكركم ولومي مطحون وكزبره ناشفه وكمون - شوية زيت زيتون - عصير حامضه - ملح-معجون تمر هندي)

الطريقة:

بعد ما نكون غسلنا ونضفنا السمك نفرش في صنية الفرن ورق سلڤر متل الصورة ونرص السمكات

نبدء أولا برش السمك من جوه وبره بالملح والبهار

ثم نقوم بدهن السمك من جوه وبره بخلطة التتبيلة اللي عملناها بالخلاط ونكتر مشان تطلع النكهة طيبة

لإضافة نكهة أطيب نقوم برص شرايح جزر وبصل من الداخل وممكن احيانا حط شرايح تفتح اخضر او فليفله خضراء

هيك بيكونو جاهزين للشوي

ندخلهم فرن على حراره ٢٠٠ لمدة نص ساعة مقفول عليهم ورق السيلڤر بعدين نص ساعة تانية مكشوف مشان تتحمر ...ونطلعها بتكون جاهزة للأكل مع الرز والمقبلات اللي بتحبوها ... انا عملت جمبها حمص بطحينة ومتبل باذنجان ورز السمك وصحتين

رز احمر للسمك

.

الرز الأحمر للسمك

المكونات:

٤ كوب رز بسمتي مغسول

٢ علبة صلصةً كي دي دي انا كنت مفرزتهن

٢ بصل وسط مفروم ناعم

٥ فصوص ثوم شرايح

لكل كوب رز كوب ونص ماء (استخدمي نفس الكوب)

٣ ملاعق ملح صغار

٢ ملعقة كمون مطحون

الطريقة:

في طنجرة نضع شوية زيت ونقلي البصلة حتى تدبل وبنزل شرايح الثوم تتلقى شوي وبعدين بنزل معهن الصلصة والماء وبضيف الملح والكمون واول ما تسخن المي وأتأكد انه الصلصة امتزجت مع الماء بضيف الرز وبحرك منيح وبغطي الطنجرة اول ما تغلي بخفف النار على الآخر وبغطيها وبتركها تتسوى على نار هادية... بعد حوال ٥ دقايق بحرك مره وبرجع بتركها...اول لاقيها استوت والرز شرب كل المي بطفي النار وبتركها متغطية مشان تتسوى اكتر مع البخار تمام... بعد نص ساعة بتكون جاهزة ونسكب بطبق التقديم وصحتين 😍

سمك مقلي

سمك مقلي 

المكونات:

أي نوع سمك بتحبو منظف ومقطع قطع متوسطة

بهار وملح مخلوطين سوى في كاسه

طحين

زيت للقلي 

الطريقة:

كتير سهلة وسريعة، بعد غسل السمك جيداً يتم رشه بالبهار والملح من كل الجهات

نتركه لمدة ربع ساعة يمتص الملح والبهارات تيكون طعمه أطيب

نجهز الزيت على النار لغاية ما يحمى نصير نرش كل قطعة سمك بالطحين (نلتها بالطحين) بشكل كامل وبعدين بنزلها بالزيت الحامي تتقلى ونطلعها بعد ما تتحمر على طبق فيه محارم المطبخ لتمتص الزيت

وهكذا لغاية ما نخلص كل قطع السمك اللي عندي ونضعها في صحن التقديم وممكن جمبها متبل باذنجان وبطاطا ورز ولا أطيب... تابعوني لوصفات أخرى لها علاقة بالمأكولات البحرية والأطباق الجانبية لها

وصحتين

حلو ايسكريم الساندويش

حلو ايسكريم الساندويش

المكونات والطريقة:

ايس كريم ساندويش (الكمية تغطي صحن التقديم اللي عندك الطبقة الأولى) نرصهم في طبق التقديم اول طبقة

الطبقة التانية:

٧ علبة قيمر (قشطة)

٧ كياس دريم ويب (كريم شانتيي)

٢ كيس جيلاتين شفاف

٢ كوب ايسكريم نوع بتحبوا انا استعملت كي دي دي نوغا

نخلط المكونات بالخلاط جيدا 

نضيف على الخليط اَي نوع بسكوت بالشوكولاته متوفر عندك (انا حطيت مالتيزرز وبسكوت شوكولاته اللي بالصور كسرته وحطيته) ونخلطهن سوى يدوياً

ونصب الخليط فوق الطبقة الاولى وندخلهم الفريزر

الطبقة الثالثة والأخيرة (التزيين):

شوكولا نوتيلا ندخلها شوي المايكرويف تسيح وبعدين بعبيها بكيس وبقص طرفه وبزينه متل ما بحب

انا هيدا اللي طلع معي مبارح 😅

اخر شي بأي نوع حبوب شوكولاته متوفره كمان بزين الوش انا عملت شكلين للوش 

هيك بتكون جاهزة وبدخلها الفريزر ساعة وبعدين بتكون جاهزة للتقديم وألف صحة وهنا 😋

دجاج وخضار بكيس الشوي

دجاج وخضار بكيس الشوي

المكونات:

٢ كيلو صدور دجاج مغسول ونضيف

٢ جزر كبير مقطع شرائح

٢ بطاطا كبير مقطع مكعبات

٤ حبات كوسا مقطعه مكعبات

راس ثوم مقشر نخلي الفصوص صحيحة

٢ راس بصل ابيض مقطع جوانح

٢ كوب قراصيا

بهارات (زنجبيل - بصل- ثوم-بهار حلو-بابريكا-كركم-جوزك الطيب)

٢ م ك عسل

٢ م ص تقريبا أو حسب الرغبة

نص فنجان شاي خردل 

الطريقة:

في طبق كبير نضع كل المكونات ونخلطهم سوى ونتركهم سوى بالتتبيلة نص ساعة ثم نضعهم في كيس شوي كبير ونقفله كويس ونخرمه بأبره... ندخله الفرن حرارة ١٨٠ حوالي ساعة ونطلعه نقص الكيس ونضعه في طبق التقديم ويا سلام على الريحة الطيبة تفضلوا...❤️

تبولة ملفوف

.

تبولة الملفوف

المكونات:

باقة بقدونس كبيرة مفرومة

نص ملفوفة كبيرة مفرومة صغير (انا بفرمها بقالب خصوصي للخلاط حطيت صورته)

بصلة بيضا كبيرة مفرومة ناعم أو بصل اخضر

٨ حبات بندورة مفرومة صغير

نص فنجان شاي برغل مغسول

م ص بهار حلو

٢ م ص ملح أو حسب الرغبة

معلقة كبيرة نعنع يابس ناعم

نص فنجان شاي زيت زيتون

٣ حبات حامض كبار معصورين

الطريقة:

نضع البقدونس والملفوف والبندورة والبصل سوى ونحط البرغل والبهار والملح والنعنع والحامض وزيت الزيتون ونخلط جيدا وبتكون هيك جاهزة وما في أطيب من هيك نفس التبولة العادية ...وألف صحة

كيكة التفاح بالكراميل

.

كيك التفاح بالكراميل

أولا: الكيك 

٣حبات بيض كبار

كوب ونص سكر

١ م ص فانيليا

كوب ونص زيت

٣ كوب طحين

١ م ص بيكنج باودر

١ م ص كربونات

نص م ص ملح

١ م ص فرقة مطحونة

٤ حبات تفاح حجم متوسط مقطعين مكعبات

ثانيا: الكراميل

٣ كوب سكر بني (أو عادي نكرمله)

إصبع زبدة ١٠٠ جرام

٢ علبة كريمة حمرا كي دي دي صغار 

م ص فانيليا

رشة ملح

الطريقة:

أولا: الكراميل

نقوم بوضع السكر البني في طنجرة على النار حتى يذوب ثم نصب فوقهم الكريمة مع التحريك الدائم حتى يذوب السكر تماما على نار خفيفة

ثم نضيف الزبدة حتى تسيح ونرش رشة ملح ونضع الفانيليا ومنطفي النار وبعد ما يبرد منصفيه بمرطبان مشان نتأكد انه ما في كتل سكر وهيك بيكون جاهز

ثانيا: الكيك

في قالب الكيك ندهنه طحينة أو نرشه سبراي زبدة لورباك ثم نوزع في قعر القالب قطع من التفاح ثم نضع عليهم من صلصة الكراميل ونتركهم ونجهز الكيك

بالخلاط نضع البيض والسكر والفانيليا ونخلط جيدا ثم نضيف الزيت ونخلط ثم نبدأ بإضافة خليط المكونات الجافة بالتدريج حتى يخلط تماما... رح تلاحظوا انه الخليط تقيل جدا ما تقلقوا بعد الخبز بتكون طرية... نصب الخليط في كاسه ونخلط باقي قطع التفاح معها يدويا ثم نصبها في القالب فوق التفاح والكراميل

ندخله على الفرن حرارة ١٨٠ حوالي ساعة حسب الفرن بس للتأكد بعد ٥٠ دقيقة نغرس طرف سكينة في القالب اذا طلعت السكينة ناشفة يبقى استوى اذا لا نتركه حتى ينشف ١٠ دقايق تانيين ونجرب مره تانية لازم السكينة تكون ناشفة بعد الغرس نزيد كل شوي بس ٥ دقايق لغاية ما تبقى ناشفة ومنطلع القالب من الفرن يبرد ثم نقلبه في صنية التقديم ونزينه بصلصة الكراميل والجوز وصحتين

مربى التين المجفف

مربى التين باليانسون وكبش الفرنفل 

المكونات:

كيلو تين ناشف (أو نتركه صحيح أو نقطعه)

2 كوب سكر

لتر ونص ماء (6 أكواب)

ملعقة صغيرة عصير حامض

ملعقتين طعام يانسون حب

ملعقة صغيرة حبة البركة

5 حبات صحاح كبش قرنفل

للتزيين مكسرات حسب الرغبة أو سمسم 

الطريقة:

نضع اليانسون مع كمية الماء المكتوبة حتى يغلي نطفي النار ونتركه منقوع لمدة نص ساعة، ثم نقوم بتصفيته ووضع ماء مغلي اليانسون وحبوب كبش القرنفل في طنجرة ونضيف السكر إلى الماء ونضعه على النار ولما يبتدي يغلي نضيف التين وعصير الحامض ونتركه على النار نشيل الرغوة اللي بتطلع على الوجه ثم نتركه يغلي على نار بين المتوسطة والخفيفة ونستمر في تقليبه كل شوي حتى يتقل القوام (يعقد السكر) منطفي النار ومنسكبه في صنية مشان يبرد ونضيف المكسرات أو السمسم على الوجه وممكن بدون، بعد ما يبرد نضعه في مرطبانات صغيرة في الثلاجة... ما في أطيب من هيك وصحة وهنا

كريم كراميل

كريم كراميل 

المكونات:

كوب حليب

2 بيض

ربع كوب سكر

نص معلقة صغيرة فانيليا

كوب سكر نقوم بتحميره على نار خفيفة حتى يتكرمل في القالب الذي سنطهو فيه الكراميل 

الطريقة:

طبعا الكميات المذكورة يتم مضاعفتها حسب الرغبة أنا عملت 3 أكواب حليب مع 6 بيضات وضاعفت باقي الكميات طبعاً وكلها وضعتها في الخلاط تمتزج جيداً، في نفس صنية الفرن أقوم بكرملة السكر ثم أصب خليط الكريم

في صنية أخرى أكبر أضع القليل من الماء ثم أضع فيها صنية الكريم كراميل (يعني عملت حمام مائي) وأتركه حوالي ساعة في فرن 180 يكون تحمر الكراميل وبسكينة بشيك أتأكد إنه استوى وبطلعه بره الفرن وبتركه حتى يبرد

وبعد ما يبرد بقلبه بصنية التقديم وبدخله البراد ويؤكل بارداً وصحتين

معكرونه بشاميل باللحمة المفرومة

.

معكرونة بشاميل باللحمة

المكونات:

كيس معكرونه قلم مسلوقة 

نص كيلو لحمة مفرومة 

٣ ملعقة كبيرة صلصة

٣/٤ كوب ماء

ملعقة صغيرة بهار حلو

ملح

مقدار ٨ أكواب صلصة بشاميل (سبق وضع طريقتها) 

الطريقة:

في صينية الفرن نفرد المعكرونة المسلوقة 

في طنجرة على النار نقلي اللحمة المفرومة بشوية زيت ونحط البهار والملح وبعد ما تتلقى منيح نضيف الصلصة والماء ونخلي الصلصة حتى تغلي مع اللحمة ونطفي النار

نسكب اللحمة مع الصلصة طبقة تانية فوق المعكرونة بالصنية ثم اخر طبقة نسكب البشاميل على الوش أول شي نضع شوي بشاميل وبالمعلقة نوزعها وندخلها بين المعكرونة واللحمة شوي... ثم نسكب باقي البشاميل يغطي كل الوش وندخل الصنية بالفرن على حرارة ١٨٠ لغاية يصير الوش ذهبي فاتح بتكون تسبكت مع بعضها بعدين بنار الفرن اللي فوق بحمر الوش... ممكن وضع جبنة موزاريلا اخر شي على الوش ونسيحها بالنار اللي فوق لو بتحبوا، انا عملتها بدون الجبنة بالصورة... وهيك بتكون جهزت وألف صحة وهنا 😋💕

رز بحليب (رز مطحون)

رز بحليب

المكونات:

٤ كوب حليب سائل كامل الدسم

١ كوب سكر

١/٢ كوب رز مطحون ناعم

ربع ملعقة مسكة مطحونة

ملعقة كبير ماء زهر

ملعقة صغيرة ماء ورد (اختياري)

الطريقة:

نضع الحليب والرز والسكر والمستكة معاً في طنجرة على النار ونستمر بالتقليب جيدا حتى يغلي ثم حتى يتماسك (يحتاج وقت)

بعدما يتماسك اثناء التحريك نقوم بوضع مقدار الماء زهر والماء ورد ثم نحرك جيدا لدقيقة ونطفئ النار ونسكب الرز بحليب في كاسات ونتركه يبرد ثم ندخله الثلاجة ليبرد جيدا وبيكون جاهز للاكل وعوافي على قلوبكم... يمكنكم تزيين الوش بأي مكسرات بتحبوها مع زبيب او جوز هند او قرفة مطحونة