بسبوسه بالقشطة

نمورة بالقشطة (بسبوسة بالقشطة) 

المكونات:

أولاً النمورة:

3 بيض

م ص فانيليا

كوب سكر

كوب زيت

كوب جوز هند

كوب ونص سميد وسط أو خشن

كوب لبن زبادي يعني علبتي كل علبة 170 جرام

م ك بيكنج باودر 

ثانياً: القشطة:

8 م ك حليب بودرة

4 أكوبا ماء

4 ملاعق كبار نشا

2 م ك سكر

علبة قيمر

ربع فنجان قهوة ماء زهر 

الطريقة:

النمورة: منخلط كل المكونات ومنخليها جاهزة على جنب

القشطة: بخلط الحليب البودرة والماء والنشا والسكر منيح وبحطهن على النار لغاية ما يتماسكو، بعد ما يتماسكو بضيف الماء زهر وبخلط منيح وبطفي النار وبزيد علبة القيمر وبخلطهن مع بعض منيح 

لفردها بالصنية بندهن صنية بالزبدة وبعدين منقسم كمية النمورة قسمين ومنفرد طبقة من النمورة وبعدين منحط القشطة طبقة ثانية ومن ثم الطبقة الثالثة هي النص المتبقي من خلطة النمورة ومنفردها بكف الإيد أولا وبعدين منزلها فوق القشطة شوي شوي ممكن نبل إيدنا مي بالآخر ونمسحها بكف اليد مشان كلها تصير موصولة قطعة وحدة

ندخلها فرن 180 درجة حولي نص ساعة المهم حتى يصبح لونها ذهبي إلى بني مثل الصورة ومنسقيها قطر حسب الرغبة... وصحتين