ما حبيت ضيف للفيديو موسيقى وخليته على صوت التصوير لأن الصوت كان رائع لما طلع من الفرن 😁😁 يله سوى نشوف مقادير طبختنا
مشروم بالكريمة
المكونات:
٤ علب مشروم كامل فريش او علب
راس ثوم مهروس
٢ علبة كريمة حمرا كي دي دي
ملح حسب الرغبة
فلفل حار اخضر مطحون انا مفرزه كمية بالفريزر
جبنة موزاريلا للوش
الطريقة:
بطنجرة منحط شوي زيت على النار وبنزل عليها المشروم بعد غسله وتصفيته
بشوح المشروم على النار يتحمر شوي وبعدين بنزل وراه الثوم المهروس يتقلى معه دقيقة... ببتدي نزل الكريمة فوقهم مع التحريك وبحط الفلفل الحار... بش يغلوا بخفف النار دقيقتين وبطفي النار... بنقل كل الكمية على صنية الفرن انا حطيتهم بالطاجن الفخار أطيب وندخلهم الفرن ساعة على حرارة متوسطة وبطلعهم وبرش على الوش الجبنة وبرجع دخلهم الفرن يتحمر الوش وبطفي الفرن وبطلعهن وبيبقوا جاهزين هلأ للأكل... ممكن معهن رز وسلطة... وصحتين
No comments:
Post a Comment