كشك ألمز
هوه كشك مصري - انا بسمي رز بحليب بس مالح 😁
المكونات:
١ بصلة كبيرة مفرومة ناعم
٣ حبات ماجي (اذا ما بتحبوا الماجي نضع ملح حسب الرغبة)
فنجان قهوة رز مصري
ماء
٢ علبة روب زبادي
٢ م ك طحين
عصير حامضه
علبة كريمة حمرا كي دي دي او علبة قيمر
الطريقة:
منقلي بصلة صغيرة تتدبل
بنزل فوقها الماجي ومنغسل فنجان قهوة رز مصري ونضعه فوق البصلة نقليه شوي معها
ونغمر الرز بماء حوالي ٦ كبايات ونتركها تغلي حتى يستوي الرز تماما ويصبح طري جدا وممكن نزيد ماء مغلي زيادة لو كانت الكمية كتير تبخرت.
على جنب في طاسه نخلط اللبن روب مع علبة قيمر او الكريمة الحمرا مع الطحين مع الحامض نخلطهم جيدا حتى يكونو خليط كريمي تقيل
ونصب الخليط فوق ماء الرز وهوه على النار يغلي ونحرك جيدا اثناء الصب لازم تكون الكثافة تقيلة شوي متل اللبن المطبوخ واتقل اذا حسيتي خفيف نضع ربع كوب ماء مخلوط فيه معلقة طحين منترك الخليط يغلي شوي ونطفي النار... على جنب تحمر بصل للزينة
طيبة متل المجدرة انا اليوم عملتها جمب كبة قراص وبطاطا صحتين... في ناس بلبنان بيعملو متلها بيسموها لبنية بس بيعملوها بنشا بدل الطحين
No comments:
Post a Comment