شوربة سي فود
من أطيب الشوربات عندي، أهم شي مشان هالشوربة إنه بهاليوم يكون عندك يوم أكلة أسماك، بالنسبة لي كان عندي سمكة سلمون سويتها فيليه وخليت العظام وممكن كمان تغسلي روبيان وتقشريه وتستعملي القشور للشوربة
المكونات:
بصل شرايح
ثوم شرايح
جزر شرايح
حامض تقص 4 قطع
ورق غار وعودين قرفة
عظام سمك وقشور روبيان مغسولين
كريمة كي دي دي حمرا
ملح – بهارات
روبيان صغير نظيف
قطع كالاماري صغير
قطع سمك مشوي أو مقلي بدون شوك
أو ممكن بدل قطع الأسماك تستبدليها بكيس من الجمعية لقطع سي فود مثلج جاهزة
الطريقة:
منقلي البصل والثوم مع الجزر لغاية ما يدبل، بنزل فوقهم العظم تبع السمك وقشور الروبيان تتقلى معهم منيح مع ورق الغار وعودين قرفه
بعد ما يتقلوا منيح بحط فوقهم ماء مغلي كمية كبيرة حسب الطنجرة اللي عندك وبخليهن يغلو منيح مع وضع شرايح الحامض
بعد حوالي نص ساعة غليان منشيل الطنجرة عن النار ومنصفي الشوربة في طنجرة نظيفة
في طنجرة أخرى جديدة بحط شوي زيت وبقلي بصلة مفرومة ناعم مع فصين ثوم مفرومين، وبنزل فوقهم كيس السي فود الجاهز بعد غسله أو القطع المتوفرة عندي من روبيان صغير وكالاماري وسمك وبحط البهارات شوية بهار حلو مع رشة كزبرة ناشفة مطحونة مع معلقة صغيرة كمون مطحون
بعد ما ينقلو منيح بنزل فوقهم الشوربة... مممم ريحتها بتجنن
وخليهم يغلو مع بعض منيح وبحط الملح حسب الرغبة وبعدين بضيف علبة الكريما الحمرا
بس يغلو لمدة ربع ساعة على نار متوسطة مع الكريمة بطفي النار وبسكب الشوربة وألف صحة وهنا
No comments:
Post a Comment