.
باميه بالزيت طاجن
نحنا منسميها بامية بالزيت لأن بدون .لحمة، وأنا بطبخها وبحطا بالفخار (طاجن) مشان نشفها وبيصير طعمها غير المكونات:
بصل مفروم ناعم
بامية (أنا بستعملها مثلجة من بسمة)
بندورة مفرمة صغير
صلصة
ماء
رشة بهار حلو ورشة قرفة
ملح حسب الرغبة
ثوم
كزبره خضراء الطريقة:
بقلي البصل المفروم بشوية زيت وبنزل البامية (بكون غسلتا) وبقليها مع البصل منيح، بعدين بنزل عليهن البندورة تتقلى شوي وبرش البهارات
بصب ماء يغمرهن مع الصلصة حسب الرغبة كيف بتحبو تقلها وبعدين بحط الملح
بس تغلي بخليها على نار وسط ثلث ساعة وبكون بالخلاط فرمت الثوم والكزبره الخضراء وبقليها بشوية زيت
بنزل الكزبرة والثوم على البامية تغلي غلوتين وبطفي النار وبصبها الطبخة بالفخار وبدخلها الفرن
بخليها لغاية ما تقريباً تنشف الصلصة ويضل شي بسيط... وجمبها رز ما في أطيب من هيك... وصحتين
No comments:
Post a Comment