كيكة الشوكولاتة الطرية
المكونات:
٢ بيض
١ م ص فانيليا
١ ١/٤ كوب سكر
كوب طحين
كوب شوكولاته بودره
٢ ١/٤ م ص بيكنج باودر
ربع م ص ملح
١/٢ كوب زبادي
١/٢ كوب حليب
١/٢ كوب زيت
الكريمة:
٥ علبة قيمر
٥ كيس دريم ويب
٢ باكيت جيلاتين
كوب شوكولاته بودره
نص كوب حليب حسب الحاجة لسيولة الكريمة اذا كانت جامده زياده
الطريقة:
بالخلاط اول شي بحط البيض والسكر والفانيليا وبخلط منيح بعدين بنزل الزيت والزبادي والحليب وبكون مجهزة المواد الجافة وبصير بزيدها شوي شوي الكمية بتكفي قالبين كيك
بخبزهم على حرارة ١٨٠ لمدة ٣٠ الى ٤٠ دقيقة حسب الفرن
عقبال ما يكونو بردوا منجهز الكريمه بخلط المكونات كلها سوى
بحط القالب الاول وبسقيه حليب مخلوط بالشوكولاتة مشان يصير كيك طري بعدين بدهنه كريمه وبحط القالب التاني وبعدين مره تانيه بسقيه وبحط اخر شي مره تانيه كريمه للوش الاخير وبخلي الكريمة تصير نازله من الجهات كنوع من التزيين
وآخر شي بزين القالب بأي شوكولاته متوفره عندي... وصحتين
No comments:
Post a Comment