بطاطا سوفليه
المكونات:
بطاطا مسلوقة بهرسها
لحمة مفرومة مطبوخة بالزيت
بقسماط للوش
زبدة
ملح وبهارات
الطريقة:
بعد سلق البطاطا بهرسها منيح وبضيفلها بهار حلو رشة وملح حسب المناسب لكمية البطاطا
بعجن البطاطا بالملح والبهارات منيح وبكون مجهزة اللحمة المفرومة مبتقلية بالملح والبهار
بصنية الفرن بدهنها بالزبدة أو السمنة شوي وببتدي أفرد البطاطا بالصنية متل ما بنعمل الكبة بالصنية
بيكون بجانبي صحن فيه مي مشان صير بل إيدي بالمي كل ما تلزق البطاطا وبفرد أول طبقة وبعدين بنزل عليها اللحمة المفرومة
وبرجع بعمل الطبقة الثانية من البطاطا فوق اللحمة
أخر شي بشكل الوش بأي شكل بحب أعمله وبرش الوش بالبقسماط، وبوزع على الوش شرايح زبدة وبدخلها الفرن لغاية ما تتحمر
وبقدمها مع سلطة وألف هنا
No comments:
Post a Comment