سبرنج رول صيني بالدجاج
المكونات:
عجينة سبرنج رول جاهزة (أنا جبت النوع اللي بالصور كتير كويس)
الخلطة:
بصل مفروم ناعم
جزر مفروم ناعم
ملفوف مفروم ناعم
فلفل أخضر حار مفروم ناعم
ذرة حبوب (أنا ما حطيت لأن ولادي ما بيحبوها مع الذرة )
كل الخضار فرمته بالخلاط
دجاج صدور مسلوق ومقطع صغير
شعيرية رز صينية (أنا استعملت أمريكانا)
صلصة الصويا (الكمية حسب الطعم اللي بتحبو ودرجة الملح)
صلصة ماجي سيزنز (الكمية حسب الطعم اللي بتحبو ودرجة الملح)
أنا حطيت أكتر من صلصة الماجي سيزنز لأنها كتير بتعطي طعم حلو والصويا شوي
بهارات (شوية بهار حلو – زنجبيل – بودرة ثوم شوي – بودرة بصل شوي – رشة كركم)
الطريقة:
منقلي بشوية زيت البصل ومنحط فوقه الدجاج المفتت صغير وبعدين برش بهاراتي كاملة، ومنقليهن منيح وبعدين بنزل كل الخضار وبقلبهن يغلو سوى وبعدين بنزل الشعيرية مثل ما هيه بتصير تشرب من ماي الخضار وتطرى، وبضل بقلبهن مع بعض لغاية ما يمتزجو سوى وبالمعلقة اللي عمحرك فيها بقطع الشعيرية شوي، آخر شي برش صلصة الصويا والماجي حسب الرغبة والطعم اللي بتحبو وبتركهن على النار الخفيفة ربع ساعة يمتزجو مع الصلصات. بطفي النار بترك الخلطة تبرد مشان نبدأ الحشو.
رح حطلكم طريقة الحشو بالبوست التالي.... وصحتين
No comments:
Post a Comment