خبز التورتيلا

بتحبوا الاكلات السهلة والسريعة برمضان متلي؟ رمضان ما بيحب الطبيخ اللي في صلصة وقصص معقده بيحب الشي السهل الطيب والمقبلات والنقرشات ولا شو رايكن؟

خبز التورتيلا 

المكونات والمقادير:

٣ و ١/٢ كوب طحين

١/٢ م ص ملح

٢ م ص بيكنج باودر 

١/٤ كوب زيت نباتي

كوب ماء دافي

حسب نوع الطحين ممكن نحتاج رشة طحين تتماسك العجينة 

وصحتين

# خبز #تورتيلا #خبز_تورتيلا #ساندويشات #مخبوزات #عجينه #معجنات

فطاير الكشك

بلدي هويتي…الوطن عزيزٌ على الجميع وغالي على كل القلوب، الله يفرجها على كل بلادنا ويزيح الغمة عن غزة يا رب عاجلا غير اجلا باذن الله 🤲🏻

فطاير كشك

خلطة الكشك:

١ كوب كشك

١ بصلة وسط مفرومة

١ بندوره وسط مفرومة ناعم

١ م ك صلصة

١ كوب زيت زيتون

١ كوب زيت نباتي

رشة ملح حسب الذوق

ممكن اضافة فلفل احمر حار 🌶️ حسب الرغبة

نخلط كل المكونات سوى وبتكون خلطة مناقيش الكشك جاهزة 

العجينة

المكونات:

١ كوب ماء دافي

١ م ك خميرة

١ م ك سكر

نخلطهم ونتركهم يتخمرو ١٠ دقايق

بعدين بنضيف ربع كوب زيت

علبة لبن روب (زبادي) ١٧٠ جرام

١ م ص ملح

١ م ك بيكنج باودر

٣ - ٤ كوب طحين حسب نوع الطحين 

ونعجن اول شي ب ٣ اكواب وبعدين نضيف كوب رابع حسب الحاجة لغاية ما تتماسك العجينة (نوع الطحين بيفرق)

نعجن جيدا ونتركها ترتاح نص ساعة

نقطعها كرات ونفردها ونفرد عليها الكشك 

نخبزها على الصاج او بالمقلاة او الفرن

بنفس العجينة عملت مناقيش لبنانية زعتر بالبصل بتشهي 😋

بتقدروا تعملو اي حشوات بتفضلوها اجبان او لحم بعجين وغيره

والف صحة وعافية ❤️

#فطاير #فطاير_كشك #مناقيش #منقوشه #مناقيش_كشك #زعتر #مناقيش_زعتر

أرز الريزو

الحق المغتصب لا يعود إلا بالإيمان بأنها قضية يجب نصرتها بكل الطرق والثبات على المبدأ وعدم الحياد عنه مهما حصل… المقاطعة مستمرة 

أرز الريزو

الصلصة:

كوب ونص كتشب

٢ م ك عسل

٢ م ك سكر

١ م ك خل ابيض

١ م ك معجون فليفلة

٣ م ك صلصة باربيكيو

١/٤ كوب صلصة صويا

١/٢ م ص من بودرة الثوم - بودرة البصل - بابريكا - كركم 

١/٤ م ص شطه حمراء حسب الرغبة

تضاعف الكمية حسب الحاجة 

أرز الريزو:

٢ م ك زيت نباتي

قطعة زبدة

٢ م ك سكر

١ بصلة وسط

مكعبات ماجي او ملح حسب الرغبة

١ م ص كركم

١ م ص بابريكا

٣ م ك صلصة صويا

١/٤ كوب من الصلصة التي تم تحضيرها

٣ كوب رز بسمتي

لكل كوب أرز كوب و ٣/٤ ماء

يتم تجهيز خلطة الصلصة

دجاج ستربس جاهز نقليها بالقلاية الهوائية ونقطعها

وعلى النار نضع الزيت والزبدة والسكر 

نكرمل السكر ثم نضيف البصل حتى يدبل 

نضيف باقي المكونات والرز ونقلبها سوى جيدا 

ثم الماء ونغطيها ونتركها تغلي ونخفف النار حتى يستوي الرز ويشرب الماء تماما 

نسكب الرز ونوزع على الوش قطع الدجاج مع الصلصة الخاصة والف صحة وهنا

سحلب

هناك بعض الأمور في الحياة ترتبط في ذاكرتنا بلحظات جميلة وأشخاص نفتقدهم… بالنسبة لي السحلب احد هذه الأشياء التي تذكرني بطفولتي وبيت اهلي عندما كنا صغار وتقوم أمي بإعداد السحلب في ايام الشتاء والبرد ونتناوله مع الكعك ورشة القرفة على الوش  مع رائحة الزهر التي تفوح من السحلب… رائحة من الزمن الجميل ❤️

السحلب 

المكونات:

١ م ص بودرة سحلب اصلية بدون اضافات وبدون نشا

٥ - ٦ م ك سكر حسب الذوق

١/٢ م ص مستكة مطحونة

١ لتر حليب سائل (٤ كوب)

او ٦ م ك حليب بودرة + ٤ كوب ماء

١/٤ فنجان قهوة ماء زهر 

لتزيين الوش مكسرات حسب الرغبة / قرفة / جوز هند وفستق مطحون

الطريقة:

نضع السحلب والسكر والمستكة بعد طحنها ونضيف الحليب بارد مع التحريك المستمر حتى لا يتكتل السحلب

نضع الطنجرة على النار مع التحريك حتى يسخن السحلب نضيف الماء زهر ونحرك دقيقة ونطفي تحتها النار

نسكبه نزين الوش ويقدم ساخن والف صحة وعافية

كيكة البرتقال - برتقالة كاملة

إذا بتحبوا كيك البرتقال ما بعتقد رح تحبوا اي كيك برتقال من بعد هاي الوصفة 👌🏻 عملتها بس من برتقالة وحده كامله مع قشرها ولا برشت البرتقالة ولا عصرتها 😍 استعملتها كلها! شوفو الوصفة وجربوها وقولولي رايكن 👏🏻👏🏻

كيكة البرتقال

المكونات والمقادير:

برتقالة كاملة مقطعة

٣ بيض

٣/٤ كوب سكر

٩٠ مل زيت نباتي

٢ م ص فانيليا سايله

٦٠ مل حليب

١ كوب طحين منخول (٢٥٠ جرام)

١ م ك بيكنج باودر

تشكن ألفريدو سباغيتي

يلا نعمل وصفة طيبة وس لة والكل بيحبها 😍

‏Chicken Alfredo Pasta - Spaghetti 

تشكن الفريدو باستا - سباغيتي 

المكونات:

٢ باكيت معكرونة سباغيتي

٨ شرايح صدور دجاج

فلفل اسود

ملح

الصوص:

شرايح زبده

١ بصلة كبيرة مفرومة ناعم

١/٢ راس ثوم مفروم ناعم

علبة مشروم شرايح

٣ م ك طحين

ملح حسب الرغبة

٦ كوب حليب

كريم كراميل البطاطا الحلوة

بعد غياب حبيت اجي ومعي وصفة حلوة وسهلة وبسيطة وبتناسب أجواءنا وان شاءالله بتعجبكن 🥰

كريم كراميل البطاطا الحلوة 

المقادير :

كيلو بطاطا حلوة مقطعة ومسلوقة

٤ اكواب حليب

٢ كيس كريم كراميل مع اكياس السكر المكرمل

١ م ص فانيليا

٢ م ك سكر

الطريقة:

بعد سلق البطاطا نضيف عليها الحليب والسكر والفانيليا ونطحنها تماما بالهاند بلندر ثم يتم اضافة الكريم كراميل ونضعها على النار حتى تسخن 

نضع السكر المكرمل في طبق عميق ونصب فوقه خليط الكريم كراميل والبطاطا وندخلها الثلاجة لمدة ٣ ساعات على الاقل مشان تبرد تماما وبعدين نقلبها ونقدمها 😋 رح تحبوها كتير وسهلة والف صحة وهنا

فتة لحمة مصرية

شوفو الفيديو وقولولي اديش بتعطوني من ١٠ كلبنانية عملت فتة اللحمة المصرية؟؟؟ 🤔🤔

طقوس عيد الاضحى بتختلف بكل البلاد العربية عن عيد الفطر لانه عيد الاضحى لازم فيه اكلات ووصفات لحمة 😍 وانا متل ما بتعرفوا زوجي مصري وولادي طبعا وبناء على طلبهن كان لازم اعمل فتة اللحمة 👌🏻

فتة لحمة

الطبقة الأولى:

٣ خبز مصري مقطع مربعات

خبز مصري مقطع نرش عليه خلطة من الزيت زيتون وثوم مفروم ناعم وملح ونخلطهن منيح وندخلهن بصنية على الفرن يتحمصو

بعدين نسقيه بمرقة اللحمة وشوية من صلصة الفتة

الطبقة الثانية:

٣ كوب رز مصري منقوع بالماء نص ساعة

لكل كوب رز - كوب ونص مرقة لحمة

رز مصري نشوحه بشوية زبدة نفلفله بمرقة اللحمة  والماجي او الملح

الطبقة الثالثة:

٣ كيلو لحمة موزات او شقف كبيرة نسلقها جيدا مع المطيبات والبهارات حسب الذوق

ثوم مفروم ناعم نشوحهن على النار بشوية زيت زيتون  مع زبدة على النار وبنزل فوقهن شوي من مرقة اللحمة اللي سلقناها  وقطع اللحمة المسلوقة ومستوية جيدا مع ملح حسب الذوق ونخليهن يغلوا 

الطبقة الرابعة والأخيرة:

٥ حبات بندورة مضروبين بالخلاط مع

٣ م ك صلصة بندورة

٣/٤ م ك سكر

١/٤ كوب خل ابيض

مكعبات ماجي او ملح حسب الذوق

ثوم مفروم ناعم 

٢ كوب مرقة لحم

لنعمل صلصة الفتة بالثوم والخل

بشوية زيت زيتون على النار نشوح الثوم المفروم وبنزل عليه الخل يغلوا سوى وبضيف السكر والملح او الماجي

بعدين بنزل خلطة البندورة 

بعد ما تغلي الصلصة وتتقل بضيف معلقة صغيرة ثوم ناعم فريش وبطفي النار

هيك بتكون مكونات الفتة صارت جاهزة

بصنية كبيرة نضع طبقة الخبز المحمص وتسقيه من ماء اللحمة شوي مشان يطرى مع شوية صلصة

ثم نضع طبقة كبيرة من الرز لتغطية الخبز وتكون طبقة سميكة

ثم نزين بالصلصة الوش ونضع شقف اللحمة

وممكن تحمرو شوية لوز او مكسرات لو بتحبوا للوش

ممكن تعملوا بشكل حلو باستخدام قالب الكيك وتحطوا الطبقات بالعكس وبعدين تقلبوه

طبقة رز نضغطها بالمعلقة تتماسك وبكاسه صغيرة سقيت الخبز بمرقة اللحمة وحطيتها فوق الرز وبعدين نقلبها ونزين الوش بالصلصة واللحمة

وهيك فتة اللحمة صارت جاهزة والف صحة وهنا وكل عيد اضحى وانتوا بخير 😋😋😋😍😍😍

غريبة بالبيض

وصفة الغريبة عملتا السنة الماضية معكن بس بما انه ما عملناها بعيد الفطر يلا سوى نعملها بطريقة سهلة وبسيطة 👌🏻

الغريبة

 

المكونات:

2 كوب طحين

1 كوب سمنة

½ كوب سكر بودرة

زلال بيضة واحدة (بياض بيضة)

1 م ص فانيليا

ننخل المواد الجافة سوى وبعدين نحط المواد السايلة وبياض البيضة ونعجن سوى منيح 

نترك العجينة ترتاح نص ساعة بالبراد بعدين نبتدي نشكلها كرات وكل كره نحط عليها حبة فستق ونضغطها ضغطة بسيطة

ندخلها على فرن حرارته ١٨٠ لمدة ١٢-١٥ دقيقة حسب الفرن مشان تاخد لون اشقر من تحت 

نتركها تبرد تماما وتتقدم مع اطيب فنجان قهوة او شاي… وصحتين 

حبيت بس قول ملاحظة انه العادة الغريبة بتكون بدون بيض انا حطيت بياض بيضة بيفرق بالقوام بتقلل انها تتفتت والنتيجة كتير حلوة 😉👍🏻

وكل عام وانتم بخير ❤️

سابليه شوكولاته

كبروا ليبلغ تكبيركم عنان السماء كبروا فإن الله عظيـم يستحق الثناء…

سابليه شوكولاته

المكونات:

٢ بيض كبار

٢ م ص فانيليا سايلة

١٠٠ جرام زبدة طرية بحرارة الغرفة (أصبع)

١/٢ كوب سكر بودره

١/٣ كوب كاكاو خام 

١ ١/٢ كوب طحين

١ ١/٢ م ص بيكنج باودر

١/٤ م ص ملح

نخلط البيض والفانيليا مع الزبدة

ننخل باقي المكونات الجافة ونضيفها للخليط ونعجن حتى تتماسك

نريح العجينة نص ساعة ونفردها ونقطعها بقطاعة السابليه طبقة كاملة وطبقة مفتوحة من النص

نخبزها بفرن حرارته ١٨٠ حوالي ١٢-١٥ دقيقة حسب الفرن

نتركها تبرد تماما

الحشوة نوتيلا ونرش على الوش سكر بودره

وكل عام وانتم بخير ❤️

سباغيتي صينية مع ستيك بالصلصة

وصفة لذيذة وتغيير عن الطبيخ والخضار 😋

Chinese Spaghetti 

With

Steak and Gravy

سباغيتي صينية مع الستيك بالصلصة

المكونات:

اولا الستيك مع الجريڤي

١ كيلو شرايح ستيك او بفتيك

ملح 

بهار حلو

زبدة ١٠٠ جرام

٥ فصوص ثوم شرايح

٢ بصل كبار مقطعين جوانح

عود روزماري فريش او فروزن

١/٤ كوب صلصة صويا

١/٤ كوب صلصة سيزنينج ماجي

٣ كوب ماء

خليط من ١و ١/٢ م ك طحين + ١/٢ كوب ماء 

ثانيًا: السباغيتي الصينية 

٢ ربطة معكرونة سباجيتي 

١/٤ كوب زيت زيتون 

١ راس ثوم مفروم ناعم

١ فنجان قهوة صلصة تتبيلة ماجي

١/٢ فنجان قهوة صلصة الصويا (معتدلة الملوحة)

٣/٤ فنجان قهوة خل الرز الأبيض

فنجان قهوة سمسم(اختياري)

الطريقة:

نبهر ونملح شرايح الستيك ونشوحهن بالزبدة 

نرفعهم ونضعهم في طبق جانباً ونضع مع الزبدة شرايح الثوم والبصل حتى يدبلىا ونضع الروزماري

ثم صلصة الصويا وصلصة ماجي 

يتم اضافة الماء ونتركهم يغلوا قليلا ثم تضع شرايح الستيك ونتركها تغلي لمدة ١٠ دقايق على نار هادية 

نضع خليط الطحين والماء مع التحريك لتتكون عندي صلصة تقيلة قليلا وبتكون جهزت

لعمل المعكرونة نشوح الثوم المفروم بزيت الزيتون ثم نضيف صلصة الصويا وصلصة ماجي وخل الرز 

ثم نضع السباغيتي اللي تم سلقها مسبقاً ونقلبها جيدا وممكن نضيف رشة سمسم حسب الرغبة

ونقدم الستيك مع السباغيتي والف صحة وهنا

كبة دجاج

كبة الدجاج

المكونات: 

٨ شرايح صدور دجاج

خضار حسب الرغبة (ممكن جزر - كوسا- فليفله حلوة - بندوره - بقدونس- بصل- ثوم - شبت - بقدونس)

انا حطيت: 

١ جزر

١/٢ كوب بقدونس

١/٢ كوب شبت

١ حبة بندورة 

٢ بصل 

٨ فصوص ثوم

عصير حامضة

بهارات حسب الذوق كمان (انا استعملت سبع بهارات - كركم - بهار حلو) انا كل مره بغير اوقات بضيف زنجبيل وبودرة ثوم وبودرة بصل وفلفل اسود

١ م ص ملح

٣/٤ كوب برغل مغسول ومصفى

١/٢ كوب بقسماط مشان تتماسك عجينة الكبة

وممكن نزيد حسب الحاجة ونعجنها لتتماسك متل الفيديو

زيت للقلي

صلصة كراميل

صوص الكراميل المفضل عندي واطيب شي مع الايسكريم وانواع حلويات كتير 👍🏻

صوص الكراميل

المكونات:

١ كوب سكر

١ اصبع زبدة (١٠٠ جرام)

٣/٤ كوب كريمة الخفق سايلة

١ م ص فانيليا 

١/٤ م ص ملح (رشة)

معمول النستلة

ما النا غنى عن المعمول مهما عملنا حلويات صح؟؟

معمول النستلة

المكونات:

كيلو طحين 

١/٢ كيلو سمنة (٥٠٠ مللي ليتر)

علبة حليب مكثف محلى نستلة (٣٩٧ جرام)

الحشوات حسب الرغبة انا عملت بالتمر

تمر بدون نوى 

سمنة

رشة هيل مطحون

رشة قرفة مطحون

ماء زهر

ماء ورد

جوزية

العيد ما بيحلى الا بجمعة الاهل والاصحاب ولعبة لازم نجهز احلى ضيافة للعيد على قدر المحبة 🥰

الجوزية 

جوزية

المكونات:

١ كوب زبدة سايحة

١ كوب سكر بودره

١/٤ كوب نشا

١ بيضة

١ م ص فانيليا

٢ كوب طحين

الحشوات:

نوتيلا

زبدة لوتس

كراميل

مربى

لانكشير

مين قال العيد بس المعمول 🙃 انا بحب اعمل حلويات تانية غير المعمول كمان واليوم رح اتشارك معكن بوصفة اللانكشير بحشوة المربى والجوز هند وممكن تستعملوا حشوات غير طبعا حسب شو بتحبو 🥰👌🏻وكل عام وانتم بخير 🌙 

لانكشير

المكونات:

١ كوب زبدة (٢٠٠ جرام)

٣/٤ كوب سكر بودره

١ كوب نشا كاسترد (بودرة كاسترد) او نشا عادي

١ م ص بيكنج باودر 

٢ بيض

١ م ص فانيليا 

١/٤ م ص ملح

٢ كوب طحين

شيشبرك

شيشبرك عالسريع 🙃 صرنا عارفين كيف نعمل حبات الشيشبرك وانا كنت مجهزتها ورح تلاقوا كل التفاصيل مكتوبة 👇🏻👇🏻

المكونات:

اولا: الحشوة

٦ بصلات مفرومين ناعم

كيلو لحمة مفرومة 

ملح 

بهارات نص م ص من (بهار حلو - فلفل اسود - بودرة زنجبيل - جوزة الطيب)

ثانيا: عجينة الشيشبرك

٤ كوب طحين

١ م ص ملح

كوب وربع ماء دافي (يضاف بالتدريج حتى تتماسك العجين حسب نوع الطحين)

ثالثاً: اللبن 

لتر لبن خاثر/عيران/رايب

كوب ماء

١ م ك نشا

رابعا: خلطة اللبن

زبدة ١٠٠ جرام

نص راس الى راس ثوم مفروم (حسب الرغبة)

١ ونص م ص ملح

باقة كزبره خضراء مفرومة ناعم

قطايف

صدر القطايف الرائع حلو للتقديم اذا عندك ضيوف 👌🏻👌🏻 ممكن تعملوا بالجبنة متل الفيديو وبتدخلوا على الفرن… او تعملوا بالقشطة طبقات متل الكيك بس طبعا على البارد بدون فرن والف صحة 

عجينة القطايف 

المكونات:

٣ كوب ماء دافي

١ م ص خميرة

٢ م ك سكر

١/٢ م ص بيكنج باودر 

١/٤ م ص كربونات الصودا

١/٢ كوب سميد ناعم 

٢ كوب طحين

اصابع زينب معكرون

يلا تحلايه 😋 معكرون اسما عنا بلبنان والمتعارف عليه بأغلب الدول (اصابع زينب) شوفوها بطريقتي مع نكهة اليانسون ولا أطيب 👌🏻

المكونات:

١.٥ كوب طحين

١.٥ كوب سميد ناعم

٣/٤ كوب سميد وسط او خشن

٣/٤ م ك يانسون مطحون

١/٢ م ك محلب

١/٢ م ك خميره

رشة ملح

١ كوب زيت

١ كوب ماء دافي (او مغلي يانسون دافي)

زيت للقلي

صب القفشة بالطحين

حلو خليجي (صب القفشة) على طريقتي

عادة يستخدم الطحين العادي مع طحين الحمص بس انا استخدمت الطحين العادي بس مشان يكون سهل للجميع تطبيقها 

المكونات:

٣ بيض

كوب حليب

١/٢ كوب زيت

١/٢ م ص هيل

١ فنجان قهوة ماء ورد منقوع فيه ١/٢ م ص زعفران

٣ كوب طحين منخول

١ م ك خميرة

القطر:

٢ كوب سكر 

كوب ماء

٢ م ك  عصير حامض

١/٢ فنجان  قهوة ماء زهر منقوع فيه ١/٢ م ص زعفران

كشك مصري

اكلات اللبن من اطيب الاكلات اللي بحبا يا ترى انتوا متلي؟ لهيك هاي الوصفة (الكشك المصري او كشك ألمظ) بتتميز عندي بطعم اللبن فيها بعمل جمبا اي صنف لحوم مقبلات متل الدجاج البانيه ومتعة التغميس فيها بالخبز المصري كمان ولا اطيب… جربوها 👌🏻👌🏻

كشك مصري (كشك ألمظ)

المكونات:

بصلة مفرومة ناعم

١ م ك بديل الماجي او ٣ مكعبات ماجي

نص فنجان قهوة رز مصري

ماء لسلق الرز لتر

١  علبة لبن روب

عصير ١ حامض

٣ معالق طحين

ممكن اضافة علبة قيمر (قشطة)

 سماكة الكشك  بتكون متل الرز بحليب 

ومشان نسوي القوام اتقل نخلط ١ م ك طحين مع ربع كوب ماء الماء ونضيفه على الكشك مع التحريك

بصل مقلي مقرمش للوش

حواوشي

حواوشي مصري ابن عم العرايس 🙃

المكونات 

كيلو لحمة مفرومة ناعم

حبة فليفلة 

نص باقة بقدونس مفرومة

بصلة

٦ حصوص ثوم

حبة فلفل حار (حسب الرغبة)

١ م ص سبع بهارات

١/٢ م ص بهار حلو 

١ م ص ملح

١ م ك سمنه

خبز مصري

سمنة او زبدة لدهن خبزات الحواوشي

جبنة لحشوة السمبوسه والكنافة

جبنة لحشوات السمبوسك والفطاير

ونفس الطريقة بستخدمها للكنافة بدون الملح وبدون حبة البركة

١ م ك زبدة

١ م ك زيت نباتي

٢ م ك طحين ونحرك بسرعة على نار وسط 

بس يتشوح الطحين 

بنزل ١ كوب حليب سائل وبحرك

بس يتقل الخليط

نضيف ٤٠٠ جرام جبنة موزاريلا (تقريبا كوبين)

رشة ملح

١ م ص حبة البركة