كعك القدس الفلسطيني
المقادير
٤ اكواب طحين
1/2 م ص ملح
١ م ص محلب
ممكن نحتاج طحين شوي زيادة مشان تلم العجينة أنا استخدمت نص كوب زيادة
نخلط الطحين والملح سوى ونجهز خليط الخميرة
لخليط الخميرة:
١ ٣/٤ ماء دافي
٣ م ص سكر
٣ م ص زيت زيتون
١ م ك خميرة
نخلط الماء والسكر والخميرة والزيت ونتركها تتفاعل لمدة ١٠ دقايق
بعدها نخلط كل المكونات الجافة والسائلة ونعجن ونترك العجينة ترتاح لمدة ٣٠ دقيقة
نقطعها ٥ كرات اقل او اكتر حسب الحجم اللي محتاجينه ونريح قطع العجين ربع ساعة
بعدين بفرد كل قطعة ونلفها رول ونقفلها ونلفها على شكل دائري حلقات كبيرة نفس الفيديو
نجهز خليط السمسم:
١ و ١/٢ كوب سمسم
١ م ص سكر مليانه
٢ م ك ماء
نخلطهم سوى تيصير السمسم رطب
ونبتدي نغط حلقات العجين بخليط السمسم ونمد العجينة ونضعهم في صواني الخبز ونغطيهم ونتركهم يرتاحو لمدة ٣٠ دقيقة
بعدها نخبزهم في فرن حرارته ٢٠٠ من ٢٠ إلى ٢٥ دقيقة حتى ياخدوا لون ذهبي محمر ونغطيهم مشان يضلوا طرايا… والف صحه وهنا
https://youtu.be/KBpeRJwLt0I?si=fq-IcV-9UsPZnUwF
No comments:
Post a Comment