رز برام

   الطريقة كالتالي: 

المكونات:

بصل 

رز مصري

مكعبات ماجي

بهار حلو

حليب

علبة قيمر (قشطة)

صنية فخار عميقة

الطريقة؛

نقلي البصلة بشوية زيت تتدبل

بنزل معها مكعبات ماجي حسب الكمية اللي عمتعمليها وبحطلها  ٢ كوب حليب وكوب ماء والقشطة وبحرك منيح  مع شوية بهار وبخليه يغلي غلوة وبطفي بالفخارة بحط كمية الرز اللي بدي ياها تنقول حسب حجمها كبايتين رز مصري  بحطلها المرق اللي عملناه بالحليب لحديت ما يغطي الرز بحوالي اصبعين فوق الرز يعني يغمرهن... بحط جاط الفخار بالفرن على حرارة ١٨٠ حوالي نص ساعة وممكن أقل لو لقيتي الرز بين انه شرب المرقه ونفش وكمان يكون الوش حمر... وصحتين

كفته باللبن

المفادير:

اللبن:
لتر لبن خاثر
كوب ماء
ملعقة كبيرة نشا

الكفتة: خلطة لحمة وبقدونس وبصل وملح وبهار... بجيب الكفتة من اللحام بعملها صوابع صغار وبقليها وبشيلها على جنب...
 

الطريقة:

بطنجرة بعمل اللبن منحركهن منيح ومنحطن على النار بس يبتدي شوي يمسك بسقط الكفتة وبكون على جنب قليت بالزبدة كزبره خضراء مفرومة مع ثوم مدقوق وملح وبسقطهن فوق اللبن يغلي غلوتين وبطفي النار وبسكبهن - نفس طريقة الشيشبرك بس بالكفته وصحتين 

شاورما لحم

المكونات

بفتيك

بهار حلو

كزبرة يابسه مطحونه

ملح

بصل

سماق

بندورة

الطريقة 

تقطع البفتيك شرايح طولية

توضع في طنجرة فيها شوية زيت ونرش بهار وكزبره وملح ومنقليها منيح... البصل نقطعه جوانح ونرشه سماق وندعكه بالسماق منيح والبندورة تقطع مكعبات صغيرة ونرشها سماق.... فوق الشاورما اللي تقلت منيح نضع ثلاث ارباع كمية البصل والبندورة ونقلي تيدبلو شوي تيضلوا البصلات يقرشوا شوي... بعدين منسكبهن بصحن التقديم وباقي البصل والبندورة الفريش منزين فيهن الوش مع رشة طرطور ورشة سماق وصحتين

كشك مصري

كشك مصري - انا بسمي رز بحليب بس مالح 😁

منقلي بصلة صغيرة تتدبل

منغسل فنجان قهوة رز مصري ونضعه فوق البصلة نقليه شوي معها

نضع مكعبين ماجي ونغمر الرز بماء حوالي ٦ كبايات ونتركها تغلي حتى يستوي الرز تماما ويصبح طري جدا وممكن نزيد ماء مغلي زيادة على جنب في طاسه نخلط علبة لبن روب مع علبة قيمر مع ٣ ملاعق طحين مع عصرة حامضة كاملة

ونصب الخليط فوق ماء الرز وهوه على النار يغلي ونحرك جيدا اثناء الصب لازم تكون الكثافة تقيلة شوي متل اللبن المطبوخ منترك الخليط يغلي شوي ونطفي النار... على جنب تحمر بصل للزينة

طيبة متل المجدرة انا اليوم عملتها جمب كبة بالصنية وفتوش وغيره... صحتين... في ناس بلبنان بيعملو متلها بيسموها لبنية بس بيعملوها بنشا بدل الطحين

Pizza bread

اليوم عندي وصفة جديدة تعتبر من المقبلات وهي:

خبز البيتزا

تستخدمي اي عجينة ناجحة من عندك للفطاير انا استعملت المكونات التالية:

٣ كوب طحين

١ م ص بيكنج باودر

١ م ك خميرة ناعمة

٣ م ك سكر 

٣ م ك حليب بودرة

١ م ص ملح

١/٤ كوب زيت نباتي

١ كوب ماء فاتر

 

خلطت اول شي الماء الدافي مع الخميرة والسكر ووضعتهم في مكان دافي يتخمرو ١٠ دقايق طلعتها كانت نفخت ضفتلها الملح والبيكنج باودر والزيت والحليب البودرة وحركت منيح بعدين نزلت فوقهن خلطة البيتزا المكونة من (فليفلة مقطعة-مشروم مقطع- جبنة موتزاريلا - زيتون شرائح - هوت دوج شرائح - بصل مفروم - ثوم مهروس) خلطتهم جيدا ثم بدأت بإضافة الطحين شوي شوي واعجن حتى تماسكت كاملة.

نترك الخلطة بالعجين ترتاح نص ساعة ونبدأ بالتشكيل او في صواني بشكل دائري عادي او متل الصورة اللي عملتها لفيتها طويلة ووضعتها في القالب تنخبز حوالي ٣٠ دقيقة على حرارة ١٨٠ درجة وللتأكد نغرز سكينة اذا طلعت بدون اي بقايا تكون استوت.

نقطعها كما نرغب ونقوم بعمل صلصة البيتزا الخاصة المكونة من:

بندورة مطحونة - صلصة - بصل - ثوم - زيت زيتون - كتشب - شوية حر بودرة - اويغانو - ملح - سكر) نقلي بصل وثوم بزيت زيتون ونضع فوقهم البندورة والصلصة مع سكر وشوية حر وملح ونغليها بعد الغليان نضع شوية كتشب وزعتر الاوريغانو. وصحتين